影片
更多
2020-05-13
5936 瀏覽
一直都無諗過係錦上路站搵食，直到上網見到大家介紹一間coffee shop。位置帶點隱閉，係小路既轉角位。有陽光既話感覺都幾日本。離西鐵站大概12分鐘路程唔算遠，但沿路無遮陰，夏天曬住行過黎都幾熱。下次再黎會選擇搭54或64K巴士到蒙養小學站，直按落車就到。店面唔算大，分左右兩邊。周末下午時分好旺場，門口有唔少人等位。裝修以白色及淺木色為主，日系簡潔。今次安排係右邊舖位吧枱位，面對住廚房，見到店員用心咁製作食物。同唔少Cafe一樣，到櫃枱前落單，之後店員會為你送餐。今次Order左2樣比較熱門既食物。🔸北海道帶子、三文魚籽、炒蛋、洋葱 $88🔸小龍蝦沙律、牛油果、三文魚籽 $88以上兩款可選農村包或法式拖鞋包，另配雜菜沙律 (黑醋汁或日式芝麻醬)。法式拖鞋包烤得剛好，微脆帶軟。兩粒帶子大粒又鮮甜，對得住價錢。炒滑蛋加上三文魚籽，比起平時多左一份鮮味。所有野夾埋一齊味道好夾。小龍蝦沙律個款對比前者之下無咁突出，牛油果未唔算明顯，但都一樣唔錯。🔸HOJICHA LATTE $38🔸CAFFE LATTE$38天氣太熱一定要叫Iced！飲品價錢方面好實惠，而且擺盤絕對唔馬夫。用木盤端上，配
店面唔算大，分左右兩邊。周末下午時分好旺場，門口有唔少人等位。裝修以白色及淺木色為主，日系簡潔。今次安排係右邊舖位吧枱位，面對住廚房，見到店員用心咁製作食物。
同唔少Cafe一樣，到櫃枱前落單，之後店員會為你送餐。今次Order左2樣比較熱門既食物。
🔸北海道帶子、三文魚籽、炒蛋、洋葱 $88
🔸小龍蝦沙律、牛油果、三文魚籽 $88
以上兩款可選農村包或法式拖鞋包，另配雜菜沙律 (黑醋汁或日式芝麻醬)。
法式拖鞋包烤得剛好，微脆帶軟。兩粒帶子大粒又鮮甜，對得住價錢。炒滑蛋加上三文魚籽，比起平時多左一份鮮味。所有野夾埋一齊味道好夾。小龍蝦沙律個款對比前者之下無咁突出，牛油果未唔算明顯，但都一樣唔錯。
🔸HOJICHA LATTE $38
🔸CAFFE LATTE$38
天氣太熱一定要叫Iced！飲品價錢方面好實惠，而且擺盤絕對唔馬夫。用木盤端上，配上Nuts，適合打卡。兩款黎計個人比較鐘意HOJICHA LATTE。厚厚一層奶泡綿密，下層焙茶味又香又濃郁，甜度適中唔會膩。
張貼
