影片
更多
2020-12-15
279 瀏覽
疫情蔓延下晚巿禁止堂食，不過香港人能屈能伸，食唔到聖誕晚餐食午餐一樣無問題。 要食得開心滿足梗係要食放題啦，不過今次唔係日式放題亦唔係燒肉邊爐放題，而係充滿特色嘅西班牙Tapas放題。OM Tapas喺尖沙咀棉登徑街口，一望就望到，聖誕期間有FESTIVE all-you-can-eat brunch，$358/位任食Tapas加一款Main dish。我哋兩個人食，Tapas就分兩碟上菜，「戰鬥力」有限嘅可以叫佢只上一碟先，咁就可以留力試多幾款，啱食就再encore~【Sweet pea apple salad】個沙律醬幾特別，酸酸甜甜有少少似乳酪，荷蘭豆同青蘋果都好清爽，用嚟做頭盤啱晒~【Caramelised Cauliflower】菜名叫Caramelised以為係焦糖椰菜花，但食落係好酸嘅酸甜味。【Crab cake】焗到皮脆，啖啖蟹肉，蘸蛋黃醬好滋味。【Pesto egg】熱辣辣啱啱炸起嘅香脆薯條蘸青醬同埋流心蛋汁，充滿清香同蛋香，雖然做法同材料都簡單但相當好食。【Garlic shrimps】蒜片再加紅辣椒，蒜香加刺激性嘅辣味，再加上爽彈嘅蝦仁，香辣又惹味。【Aioli
OM Tapas喺尖沙咀棉登徑街口，一望就望到，聖誕期間有FESTIVE all-you-can-eat brunch，$358/位任食Tapas加一款Main dish。
我哋兩個人食，Tapas就分兩碟上菜，「戰鬥力」有限嘅可以叫佢只上一碟先，咁就可以留力試多幾款，啱食就再encore~
【Sweet pea apple salad】
個沙律醬幾特別，酸酸甜甜有少少似乳酪，荷蘭豆同青蘋果都好清爽，用嚟做頭盤啱晒~
【Caramelised Cauliflower】
菜名叫Caramelised以為係焦糖椰菜花，但食落係好酸嘅酸甜味。
【Crab cake】
焗到皮脆，啖啖蟹肉，蘸蛋黃醬好滋味。
【Pesto egg】
熱辣辣啱啱炸起嘅香脆薯條蘸青醬同埋流心蛋汁，充滿清香同蛋香，雖然做法同材料都簡單但相當好食。
【Garlic shrimps】
蒜片再加紅辣椒，蒜香加刺激性嘅辣味，再加上爽彈嘅蝦仁，香辣又惹味。
【Aioli Calamari】
魷魚煙韌爽彈，蘸大蒜蛋黃醬好開胃，食到停唔到口，要encore~
Main【Seafood Paella】
食西班牙菜點少得西班牙海鮮飯。海鮮有蝦、青口同蛤，都好鮮味十足。飯粒有少少咬口，好香口好有西班牙風味。
Main【Piquillo cod brandada】
最初以為係鱈魚，但搵極都搵唔到，唔通打咗成蓉﹖紅椒入面係軟滑口感嘅糊狀物，幾特別。
【Churro Bites】
炸到外面酥脆入面鬆軟嘅西班牙油條，又溫熱又脆甜，如果有朱古力醬就perfect啦。
【Cream Catalan】
加泰隆尼亞式嘅燉蛋，之前上網睇過以為係類似crème brûlée嘅甜品，我哋仲以為係西班牙油條附有嘅sauce添，仲蘸咗嚟食，認真大鄉里，不過又幾match，哈哈。
張貼
