尚樓餐廳 (已結業)

中環食lunch貴，係個個都知嘅事實。但係呢一間舖頭，價錢一啲都唔貴，而且價錢同質素可以接受。雖然價錢係平，但係佢一啲都唔馬虎，食物嘅質素令人有意外驚喜。我今次去食嘅係椒鹽排骨飯，一碟椒鹽排骨飯嘅靈魂係在於佢嘅椒鹽係咪夠入味，呢一碟椒鹽排骨飯嘅椒鹽味， 10分重，對於我呢一個鍾意食蒜味，或者濃味嘅人，可謂天造之合。而且佢嘅豬扒，好鬆軟，一啲梳打粉或者鬆肉粉嘅味都無，相信真係靠師傅自己人手將豬肉打淋，而且呢間舖頭嘅餐牌，每日都會更新，所以日日嚟食都唔會覺得悶。