Shibui 洋食屋 (已結業)

由細個睇日劇到大個去日，本都好鍾意日式洋食屋，古典且有格調九龍城開左一間復古洋食屋，見到門口好典雅，每次經過都好想入去。於是我特別請左半日假，再網上訂位去朝聖。臨近聖誕，門口打卡位多左一棵聖誕樹倍添生氣。一推開大門，感覺回到昭和時代無論係裝潢、家具定擺設，都充滿懷舊色彩。餐廳食物款式不算多有和洋式輕食、主食、甜品同飲品，味道亦唔算特別，但係環境、氣氛同裝潢絕對係滿分，樓底又高，充滿空間感🥰🥢薯仔沙律、蘑菇湯🥔每份主食都會跟沙律同湯，分別係薯仔沙律同蘑菇湯。蘑菇湯既蘑菇味濃，還不錯；薯仔沙律有驚喜，薯仔拌入碎蛋，簡單但好食🥢和風旋風蛋包飯🥚蛋包飯賣相不錯，蛋算滑但偏咸，飯底係蕃茄汁炒飯，茄汁唔夠濃。如果係鎮店招牌菜，有需要進一步改進🥢和風咖哩軟殼蟹飯軟殼蟹炸得夠香脆，但同成個咖哩唔係太夾，同埋咖哩汁實在太少🥲食到一半已經覺得唔夠汁。同埋有心理準備，份量係有啲少🥢飲品🍹兩杯飲品分別係青 · 天 Aoi Sora (橙、檸檬、梳打、柚子雪) 同Rosy Cooler (荔枝、玫瑰、茉莉花茶)，賣相好最岩打卡