Opa Mediterranean Bar and Bistro (已結業)

放假了! 同朋友試吓新嘢地中海菜。 這餐廳佈置得好舒服， 尤如置身地中海， 好多綠色的植物、大大幅的壁畫 、吊椅子、長梳化、圖案磚地板， 配合得好和諧 ，令人有放鬆的感覺。海鮮拼盤串燒皇牌菜 ，好有噱頭，海鮮串成條上枱，材料有吞拿魚、三文魚、大蝦配水牛城辣椒醬， 還夾雜了檸檬， 紅黃綠青椒和洋蔥，中和了肉類的肥膩感。整碟串燒還配送了幾塊餅和辣醬或甜醬一起吃，好特別別有風味。地中海凱撒沙律配煙三文魚鋪滿了滿滿的煙三文魚， 沙律菜好新鮮，仲有熱情果籽做配搭，好清新。海鮮扁意粉有魷魚、三文魚、吞拿魚、大蝦，材料豐富，配上羅勒意式蕃茄醬， 香濃美味。帕芙洛娃鮮果蛋白餅來想食西班牙油條但係賣曬，選了這個杏仁餅，本來冇乜期望，睇佢唔出上枱時賣相已經有驚喜， 食落去 外面蛋白好幼滑，裏面嗰層杏仁餅好鬆脆，唔會太甜， 配合藍莓同士多啤梨，酸酸甜甜混合，口感豐富。唔好睇佢平平無奇，值得推介。