影片
更多
2009-11-30
11 瀏覽
30-11-2009從未來過呢間 "Chinatown" feel 餐廳, 知道佢係 King Parrot 旗下, 其實無乜興趣, 是日都係因為一行 9 人 lunch 為同事 farewell, 總算試埋呢度. 叫了 4 個一人餐, 1 個四人餐, 再散叫幾款點心/甜品 share, 對食物無乜期望, 食落亦無驚喜, 不過都可幸無驚多過喜的:-茶係八寶茶, 睇得到的有菊花, 杞子及圓肉, 飲落就有淡淡紅棗香及甘甘哋的人參味, 不過同「清甜潤喉」有好大距離...雞絲粉皮 (還是棒棒雞?): 雞絲夠, 粉皮滑溜但有點厚, 麻醬份量夠, 唔算香, 帶少少辣味, 配上青瓜拌勻嚟食, 幾開胃.牛(月展): 薄薄的幾爽口,「骨膠原」部分幾多, 豉油 look 的汁帶點蒜味, 食咗都唔多記得的一碟.鹽酥蝦: 即「走辣避風塘炒蝦」, 做得香脆, 蝦肉結實爽彈, 食落好「鹽酥」味, 蒜粒/蔥粒 etc 拌白飯一流, 相信送酒仲正 全餐最好食絕對係呢樣, 值得試試.煙鴨胸春卷: 「煙鴨胸」就食落你話係火腿我都信的粉紅色條條絲, 無乜吃頭; 入面有大量蔬菜, 蔬菜又以椰菜及紅蘿蔔為主, 不過
從未來過呢間 "Chinatown" feel 餐廳, 知道佢係 King Parrot 旗下, 其實無乜興趣, 是日都係因為一行 9 人 lunch 為同事 farewell, 總算試埋呢度. 叫了 4 個一人餐, 1 個四人餐, 再散叫幾款點心/甜品 share, 對食物無乜期望, 食落亦無驚喜, 不過都可幸無驚多過喜的:-
茶係八寶茶, 睇得到的有菊花, 杞子及圓肉, 飲落就有淡淡紅棗香及甘甘哋的人參味, 不過同「清甜潤喉」有好大距離...
雞絲粉皮 (還是棒棒雞?): 雞絲夠, 粉皮滑溜但有點厚, 麻醬份量夠, 唔算香, 帶少少辣味, 配上青瓜拌勻嚟食, 幾開胃.
牛(月展): 薄薄的幾爽口,「骨膠原」部分幾多, 豉油 look 的汁帶點蒜味, 食咗都唔多記得的一碟.
鹽酥蝦: 即「走辣避風塘炒蝦」, 做得香脆, 蝦肉結實爽彈, 食落好「鹽酥」味, 蒜粒/蔥粒 etc 拌白飯一流, 相信送酒仲正 全餐最好食絕對係呢樣, 值得試試.
煙鴨胸春卷: 「煙鴨胸」就食落你話係火腿我都信的粉紅色條條絲, 無乜吃頭; 入面有大量蔬菜, 蔬菜又以椰菜及紅蘿蔔為主, 不過炸得熱辣脆口又唔油膩, 蘸點醏/喼汁同吃, 叫做穩穩陣陣的一碟.
糖醋骨: 「疑似」生炒骨, 賣相似雞軟骨, 食落炸粉多過骨, 骨又多過乜, 橙色的酸甜醬汁就甜多過酸, 唔喜歡.
糟溜魚片: 魚肉滑得似烚蛋的蛋白 , 不過魚味就當然淡薄啦; 同炒的百合就完全唔得粉腍又唔甜, 食到 sok sok 聲, 似洋蔥多 d 喎, 唔喜歡.
仲有一碟啡啡黑黑醬汁的菇菌類, 稀稀的醬汁味道幾「鱔糊」feel, 幾鹹, 食了一隻好似茶樹菇的, 完全諗唔起味道係點...
唔夠分 / 搶的鹹食有花素餃, 麻婆豆腐及兩碟睇都未睇清, 就被掃清光的唔知乜嘢, 仲有粟米湯及青紅蘿蔔湯. 唔知湯水如何?
3 客甜品就係豆沙鍋餅,「4 色糕」及姍姍來遲的擂沙湯丸... 豆沙鍋餅熱辣辣, 唔油, 幾脆, 夠甜, 又一穩穩陣陣;「4 色糕」當中只食了綠茶糕, 味道好假, 綠茶味少得離奇, 同事食完仲誤以為係蔗汁糕!? 桂花糕賣相最靚, 但據聞只得冰糖味; 仲有一隻橙色的唔知乜糕, 3 個人分別食了都講唔出係乜, 只有「甜甜哋咁囉」,「咬落似羅拔臣啫喱糖, 但又粉粉哋咁」, 聽落都有點嚇人...
食物麻麻, 環境及招呼就不錯, 成個感覺真係好 Chinatown 又好似酒吧, 都係唔啱我呢 d「傳統」老餅的了.
折後 (席上有人有 membership card) 埋單每人九十幾蚊, 食得飽, 返工人多食 lunch 可以, 我自己就唔會再來了.
張貼