Primal Booze & Feed

營業中

休息中

之前見足球男神安永佳(Matt Orr) 在社交平台貼咗張以少爺啤做背景的壁畫相，四圍打聽，知道地點是西營盤第二街呢間餐廳的外牆，特登去打卡。間餐廳專賣香港及各地手工精釀啤酒。少爺啤壁畫似乎未完成但已經係呢度的亮點。順便試吓間酒吧餐廳的水準。我未飲過精釀啤酒，問老細，佢話larger啤的發源地是捷克，呢度有隻叫Budvar 的桶裝啤，遠到去東歐愛沙尼亞的黑larger啤都有。黑larger比一般黑啤濃厚，麥芽香更重但又有少少蜜香，值得試。點炸魚薯條，有魚味，薄脆皮，份量十足，薯條和醬料都出色。試埋費城和牛芝士三文治 (Philly Cheesesteak) ，義大利白麵包做，即場烤製 (不是微波爐叮熱!) ，够熱，皮脆，和牛級肉特別香軟，配雙層流心芝士 (cheddar and mozzarella) ，正! 呢度仲有按季節限量的喜馬拉雅山氂牛芝士拼盤及餡餅，愛試芝士的人或可以試試高原芝士有咩唔同。