影片
更多
2008-06-09
475 瀏覽
早幾日老闆無啦啦又吹雞食晏, 地點又係呢間食店, 令到師傅好懷疑老闆佢係咪有股份架, 喺理論上冇得揀嘅情況下, 師傅唯有應邀出席, 當食一餐免費午餐啦! 一行六人, 訂左位, 今次去到就唔使等, 好快就可以坐底! 於是乎即刻柯打野食, 由於師傅唔知道今次會有咩食, 加上有左上次經驗, 所以保險少少, 要個潮州粉果先, 至少都有樣潮州野食呀! 等左一陣, 各道菜式陸續登場, 有西洋茶湯, 潮式鹵水拼盆, 煎銀雪魚, 沙茶牛肉炒河, 鹵水豬大腸, 叉燒包, 春卷等等!先講下個西洋菜湯, 西洋菜湯好重西洋菜味, 湯底幾濃不過就幾咸, 要扣下分; 潮式鹵水拼盆有鵝片, 鵝件, 蛋, 豬耳同埋豆腐, 鵝片就幾瘦, 幾韌幾鞋, 唔算好味; 鵝件同鵝片一樣, 又鞋又韌, 仲有骨, 麻麻地; 而蛋得四件仔, 冇咩特別; 豬耳就幾爽口, 味道都唔錯, 可以啦; 豆腐就暖暖地, 唔會太咸, 都幾好味; 銀雪魚就煎得好香, 冇腥味, 不過銀雪魚就雪得好實, 口感麻麻, 一般; 沙茶牛肉炒河都炒得幾香, 唔會太油而牛肉幾鬆, 味道唔錯; 鹵水豬大腸就幾腍身, 好入味, 好似洗得唔係好乾淨, 有沙, 要扣下分
一行六人, 訂左位, 今次去到就唔使等, 好快就可以坐底! 於是乎即刻柯打野食, 由於師傅唔知道今次會有咩食, 加上有左上次經驗, 所以保險少少, 要個潮州粉果先, 至少都有樣潮州野食呀!
等左一陣, 各道菜式陸續登場, 有西洋茶湯, 潮式鹵水拼盆, 煎銀雪魚, 沙茶牛肉炒河, 鹵水豬大腸, 叉燒包, 春卷等等!
先講下個西洋菜湯, 西洋菜湯好重西洋菜味, 湯底幾濃不過就幾咸, 要扣下分; 潮式鹵水拼盆有鵝片, 鵝件, 蛋, 豬耳同埋豆腐, 鵝片就幾瘦, 幾韌幾鞋, 唔算好味; 鵝件同鵝片一樣, 又鞋又韌, 仲有骨, 麻麻地; 而蛋得四件仔, 冇咩特別; 豬耳就幾爽口, 味道都唔錯, 可以啦; 豆腐就暖暖地, 唔會太咸, 都幾好味; 銀雪魚就煎得好香, 冇腥味, 不過銀雪魚就雪得好實, 口感麻麻, 一般; 沙茶牛肉炒河都炒得幾香, 唔會太油而牛肉幾鬆, 味道唔錯; 鹵水豬大腸就幾腍身, 好入味, 好似洗得唔係好乾淨, 有沙, 要扣下分; 潮州粉果個皮都幾厚身, 味道一般, 冇咩特別, 其他嘅點心都係普普通通, 一般啦!
總括黎講師傅今次都試到少量潮州菜, 而質素都係一般, 招呼普普通通, 環境又係一般, 而埋單價錢好似唔過六百, 都唔算太貴, 可以啦, 不過今次又係唔使錢, 所以都叫做抵食嘅! 唯一可取師傅相信絕對會係碟前菜(咸酸菜), 味道唔會過咸過酸, 非常醒胃好味, 掂呀! 師傅相信自己就一就唔會再黎, 最好就可免則免, 如果真係要黎嘅話, 一定要免費午餐, 否則就一定覺得好唔抵!
張貼
