六福菜館

營業中

休息中

連續四年獲得米芝蓮一星的六福菜館位於西貢的市場街，喺小巴總站落車後要行得再入啲，過哂嗰幾間大海鮮酒家。食飯位置一般在二樓或三樓，椒鹽豆腐十分出色，外脆內滑，調味恰到好處不會過鹹。「西貢地道魚湯」其實是蕃茄薯仔魚湯，湯已熬成奶白色，喝到魚鮮，入面加咗薑，唔會腥。去過兩次都叫咗蟶子，一次豉椒炒配煎米粉底，一次薑蔥炒配煎米粉底，推介後者，米粉索咗針後無咁鹹，會用瓦煲上，上枱時仲滋滋聲㗎！清蒸瀨尿蝦，店員會幫大家煎好殼，等大家可以省掉自己摵殼的麻煩，無諗過地茂海鮮酒家會有呢種服務！辣酒煮花螺，叫咗半斤花螺，所以份量唔多，兩個人每人八至十粒左右，係細細粒嗰隻，但辣酒的味道真係好出色，明明油到咁，都搞到我飲咗兩啖......另外亦推介蝦仁炒蛋，蝦仁大隻，蛋亦夠酒滑～ 脆皮豆腐亦好好食反而生炒骨就麻麻地，我估係唔想啲汁浸住啲肉，所以汁係有限份量，但結果唔係每粒生炒骨都有汁包住，稍為失策。如果想入西貢食海鮮，真心推介六福多過海邊嗰幾間！唯一不足，係人一多，食物就上得比較慢了。