Porker (已搬遷) 新店位置

Porker係我暫時係香港食過最好食既吉列豬扒，質素我覺得係日本應該有中上水平。要食既話建議食西冷或者肉眼定食就好，其他野食都好一般自家製豚肉餃子 ($65)煎餃但餃子皮完全唔脆，亦都冇肉味🙈吉列熟成豚西冷定食 ($190)定食會有椰菜絲、薯仔沙律、飯、味噌湯、漬物同埋炸豬扒。椰菜絲爽脆，亦有小小紫蘇絲食落更特別，沙律比較creamy，味噌湯材料豐富，漬物次次食都唔同但都幾好。旁邊有豬扒醬同鹽用黎點豬扒，但我覺得點鹽係最夾吉列西冷相當酥脆，食落會有小小吉口，同日本靚既炸豬扒比當然唔夠薄同輕盈，但我覺得算係做到本份。以前食既時候經常會皮肉分離，一夾已經分開哂，最近食就冇再出現呢個情況。而肉可能因為熟成過，肉味幾濃，亦嫩滑有肉汁，西冷邊位比較肥，油香味好濃郁，相比之下瘦肉部分就冇咁出色。由於邊位肥膏幾多，食到後面會比較膩，如果有得揀既話我建議食肉眼吉列熟成豚肉眼定食(限定) ($210)肉眼油脂分布平均，肥膏唔會過多，瘦肉部分會比西冷更嫩滑更多汁，肉味亦濃好多，食到後面唔會膩😝另外餐廳都有吉列豬柳，但好乾好鞋冇肉味，吉列蝦同蠔都好普通，唔建議試價錢: $232/位 (有加一)環境: 7.5