影片
更多
2022-02-04
2527 瀏覽
其實本身都定期幫襯呢間酒樓，嘢食都好食嘅，但感覺越做越差，D伙計質數越嚟越低，之前親眼見伙計同伙計嗌交，攪到叫外賣要勸交。有一次打電話叫外賣問多兩個問題仲比伙計Cut我線……今次初四外賣體驗，我根據酒樓提供外賣紙點餐，以為全程沒有問題，到拎外賣發現每份貴咗$6，詢問之下先講新年價錢會唔同！（咁點解聽電話果陣唔講？）呢個都算，起碼有解釋。咁比完錢企咗埋一邊，有個四眼唔知係咪經理行埋嚟問我等乜？我話拎外賣，佢叫我自己揾？R哂頭……咁我話我見到，但應該有飲品，佢求其塞2罐芬達入袋，我話我想飲可樂，佢一句撻埋嚟，無得揀㗎喇！係得呢樣……（咁點解聽電話果陣唔講？）之後想要包辣椒油，四眼伙計又一句撻埋嚟，我呢度無！咁我問即係點？佢再答我呢度無！完全感受到佢拎都唔想拎比我咁……我再問咁即係點？佢先死死地氣嗌機叫個點心阿姐入比我，其實點心阿姐本身就喺佢附近……（利申：果位四眼伙計本身坐咗喺度，絕對唔係好忙嘅節奏下要求佢幫忙，搭問題九唔搭八，完全問非所答，乜嘢叫我呢度無……唔通你袋喺袋咩！跟本每架點心車都會有……）
有一次打電話叫外賣問多兩個問題仲比伙計Cut我線……
今次初四外賣體驗，我根據酒樓提供外賣紙點餐，以為全程沒有問題，到拎外賣發現每份貴咗$6，詢問之下先講新年價錢會唔同！（咁點解聽電話果陣唔講？）呢個都算，起碼有解釋。
咁比完錢企咗埋一邊，有個四眼唔知係咪經理行埋嚟問我等乜？我話拎外賣，佢叫我自己揾？R哂頭……咁我話我見到，但應該有飲品，佢求其塞2罐芬達入袋，我話我想飲可樂，佢一句撻埋嚟，無得揀㗎喇！係得呢樣……（咁點解聽電話果陣唔講？）
之後想要包辣椒油，四眼伙計又一句撻埋嚟，我呢度無！咁我問即係點？佢再答我呢度無！完全感受到佢拎都唔想拎比我咁……我再問咁即係點？佢先死死地氣嗌機叫個點心阿姐入比我，其實點心阿姐本身就喺佢附近……（利申：果位四眼伙計本身坐咗喺度，絕對唔係好忙嘅節奏下要求佢幫忙，搭問題九唔搭八，完全問非所答，乜嘢叫我呢度無……唔通你袋喺袋咩！跟本每架點心車都會有……）
張貼