魚事者 (鴻達樓) (已結業)

今日繼續做朋友外賣速遞員，旺角真係美食集中地，尢其登打士街，各式特色美食應有盡有。今次搵到呢間對正好景商場嘅「魚事者」，因為想試下佢嘅魚麵。小店藍綠色非常搶眼，小店旁更設有立食專區，提供舒適位置給客人享用食物，非常貼心。食物以魚相關為主打，魚麵、魚多士、魚狗腸、魚乒團等…… 魚魚魚。《辣你唔死麻辣鴨絲魚麵撈》（$38/半份），原來魚麵可以咁好食，魚麵爽彈。配上鴨絲，更有青瓜絲、蔥絲及紅椒絲，最重要係個辣汁，記得要撈勻碗底麻辣汁先食。好有西川風味嘅食法。《綿綿芝士汁吉列豬扒魚麵撈》（$38/半份），灑上香草、紫洋蔥粒、蕃茄粒同紫菜絲，混和秘製芝士汁，併吉列豬扒加沙律醬，立即變成和風口味嘅食法。《無豬肉燒賣》（$20/8粒），有原味、芫茜或陳皮味，可以單、雙併。我就最鍾意一定要加埋辣椒豉油食。《炸魚狗腸-和風紫菜》（$28），大大條，咬落超超超爽彈，鋪上大量紫菜絲、木魚絲，配埋和風味醬汁超正。《夏菊羅漢果茶》（$18），食完啲辣野同炸野，飲番支夏菊羅漢果茶，滋潤一下先。羅漢果味濃，用料十足。如果吾想企係到等，朋友仔記得掃埋附圖之QR Code 。咁就可以舒舒服服落定單先，然後就可以輕輕鬆鬆