影片
更多
2024-06-24
50 瀏覽
今次黎到一間特色既印尼漢堡小店，老闆之前係做到會餐單外送，依家就自己出嚟開呢間舖頭，融合咗老闆娘家鄉既印尼特色自製醬料，重點係所有食材都係新鮮自製，而唔係買現成既返黎加工，令到所有野既味道更加貼合客人要求同健康👏🏻水滴吉列豬堡 + 三重芝士薯條（餐價$84連飲品）呢個漢堡包嘅最大特色就係佢嘅麵包係完全自製，模具都造成獨創既水滴型，而老闆最強調既係所有麵包制造唔會落一滴水，令到麵包更加厚實同香濃，中間既吉列豬扒炸到非常香脆，加上自己煮既醬汁，令到成個漢堡包非常惹味🍔另外跟餐上薯條，個特別賣點就係佢地自己製造嘅三重芝士醬汁，我地都特別選擇咗蒜蓉味，老闆話蒜蓉要先炒香，之後再加上芝士去煮個醬汁，會令蒜蓉味道唔會太辣，又可以好好融合入到芝士🍟印尼沙嗲拼盤（$158）沙嗲拼盤有牛肉豬肉同雞可以選擇，咁我哋就選擇咗食雞肉串燒，呢個沙嗲拼盤嘅賣點都係佢地自家製嘅串燒醬料，用印尼特色既醬料加埋花生碎，成個醬料少少辛辣但係又有花生嘅香味，可以好好襯托到沙嗲串燒🍡凍印尼甜茶（跟餐已包）店員特別介紹咗呢兩樣特色飲品比我哋，第一個係印尼嘅甜茶，有啲似中國嘅紅茶，加上少少嘅甜味，店員推介呢個甜茶有清涼既效果，好
水滴吉列豬堡 + 三重芝士薯條（餐價$84連飲品）
呢個漢堡包嘅最大特色就係佢嘅麵包係完全自製，模具都造成獨創既水滴型，而老闆最強調既係所有麵包制造唔會落一滴水，令到麵包更加厚實同香濃，中間既吉列豬扒炸到非常香脆，加上自己煮既醬汁，令到成個漢堡包非常惹味🍔
另外跟餐上薯條，個特別賣點就係佢地自己製造嘅三重芝士醬汁，我地都特別選擇咗蒜蓉味，老闆話蒜蓉要先炒香，之後再加上芝士去煮個醬汁，會令蒜蓉味道唔會太辣，又可以好好融合入到芝士🍟
印尼沙嗲拼盤（$158）
沙嗲拼盤有牛肉豬肉同雞可以選擇，咁我哋就選擇咗食雞肉串燒，呢個沙嗲拼盤嘅賣點都係佢地自家製嘅串燒醬料，用印尼特色既醬料加埋花生碎，成個醬料少少辛辣但係又有花生嘅香味，可以好好襯托到沙嗲串燒🍡
凍印尼甜茶（跟餐已包）
店員特別介紹咗呢兩樣特色飲品比我哋，第一個係印尼嘅甜茶，有啲似中國嘅紅茶，加上少少嘅甜味，店員推介呢個甜茶有清涼既效果，好適合配合炸物🍹
凍手工西柚蜜梳打（$37）
而另一款手工西柚蜜梳打，西柚肉係完全用新鮮西柚手打，飲既時候可以品嘗到啖啖果肉，同埋好新鮮黎自西柚既獨特味道😋
呢間餐廳全部食物都係有原材料製造完成，完全唔會用預製菜，健康衛生又比較有特色，佢地仲有其他到會既菜式組合，下次屋企搞party可以一試😆
張貼
