譚仔三哥米線 (南寧街)

營業中

休息中

講起食米線，好似有好多選擇，但其實最後每次都係會揀譚仔，貪佢平靚平之餘，仲有得揀過橋米線套餐同朋友SHARE，邊食邊搶先夠開心同好玩嘛。今次黎食呢個糊辣湯底過橋米線套餐，我就食過幾次，朋友第一次試，入口辣郊唔係特別重，但鹹味比一般湯底勁，成個味道非常濃郁，會搶噹其他食材既味，我覺得好味既，但朋友就話如果無咁重鹹會好少少。今次個豬潤幾正，唔會煮到太硬，搞到成舊硬膠咁，軟軟地又夠熟。竹笙就梗係一貫地好食，脆脆地又吸汁，連埋呢個濃香既糊辣湯底都幾夾。其他野都無咩特別，同平時一樣，唯一係阿姐俾左好多甜酸菜，多到差D食唔哂，算係意外驚喜收穫啦。