八方台式麵屋 (新都城中心二期)

營業中

休息中

放假帶左小朋友入寶林既公園放電，太耐冇出去，真係太多電量喇。難得出左去，就同佢地出邊食飯，入左公園隔離既大型商場見到有間台式食店就入去坐底食飯喇。呢個食店個名叫八方台式麵屋，叫得麵屋，我信相佢地既麵應該會比較拿手，叫左2個LUNCH SET ，小朋友就食懷舊飄香滷肉飯，自己就叫左個紅燒湯麵。主食都係台灣出名既名菜，食台灣食品都一定食過，因為有小朋友另外再叫多個士林夜市雙拼(係鹽酥雞拼花枝丸)都係香口既食品岩晒小朋友喇。飲品就叫左黑糖珍珠鮮奶同埋台灣苿香綠茶。懷舊飄香滷肉飯 - 好香，見到滷肉唔係全瘦係有夾住小小肥膏，咬落去就好有層次，又唔會得肉咁鞋口，會有小小肥肉既香軟，配飯食真係好夾，味道又唔會太咸，因為其實台式食品都比較濃味，佢就岩岩好，小朋友都好鐘意。紅燒湯麵-牛展肉好入味，加埋佢地個湯麵係有加辣，好開胃，令到成個面多左個層次，麵條煮到岩岩好，有咬口唔會淋，好好味。 士林夜市雙拼 - 鹽酥雞拼花枝丸 鹽酥雞香脆，炸粉唔係好厚，花枝丸彈牙，如果味粉可以再拌勻就會再好味D 喇，下次可以再黎試。