下江南

營業中

休息中

今日行開西九龍文化區，發現原來故宮博物館入面有間京川滬中菜館，入口要做安檢先可以品嘗到嘅中菜，一定係有返咁上下水準。前菜如意菜配花雕醉雞蔬菜酸酸甜甜夠爽脆，醉雞肉質嫩滑，帶有好香嘅花雕酒香，作為冷盤前菜夠晒開胃。主食火燻鴨子獅子頭麵非常足料嘅一碗上海麵，獅子頭鬆軟香口，火燻鴨肉嫩滑夠入味，麵底亦夠彈牙有口感。上海大排雲吞麵有大塊炸排骨、大粒雲吞同大碗上海麵，份量十足之餘味道亦各有特色，排骨鬆軟可口，雲吞餡料夠晒鮮甜，上海麵湯底亦唔錯。甜品芝麻糊湯圓芝麻糊食落夠香滑，甜度適中，配埋湯圓一齊食更好味。芋頭糕味道香甜，口感鬆軟。茶飲桂圓紅棗茶有好香嘅桂圓紅棗香氣，飲落清新解膩。