影片
更多
2022-10-20
160 瀏覽
餐廳：六本·虎居 (北角)地址：北角炮台山電氣道183號友邦廣場地下19號舖住喺炮台山附近嘅朋友一定知道電氣道嗰頭有勁多餐廳，行到去友邦廣場地下附近，搵到呢間細細哋、開咗接近一年嘅日式居酒屋——六本·虎居 @yakitoritiger 🐯點解會有呢個名嘅由來？原來餐廳其中一個師傅以前喺跟日本六本當地嘅師傅學藝👨🏻🍳，學完之後就返咗嚟香港開咗呢間店；而虎居嘅意思，喺想帶比客人有窩居、家嘅感覺🏠居酒屋得20個位左右，未到7點已經坐滿晒人，睇嚟唔book位都真喺幾難可以一試佢哋嘅日式料理🇯🇵，當中仲有日本人專程過嚟食嘢添🤩，果然有一定嘅吸引力。而我今次就坐咗喺Bar枱前面，可以一邊近距離欣賞師傅預備食材同整串燒嘅功架🍢✝️煙燻鰹魚 $168切成厚厚一片片嘅鰹魚，用完美火候炙燒表面到三成熟🔥，加上煙燻嘅風味💨，清晰咁帶出鰹魚本身嘅鮮香同滋味，魚肉中心喺半生狀態🐟，入口有即溶感覺，加上本身用豉油輕輕醃製咗，再加埋師傅自家醃製嘅醬油蒜片一齊食，令鰹魚本身嘅風味更加突出✝️火炙海膽魷魚卷 $168用鮮魷魚包住日本北海道海膽🦑，爽口嘅魷魚加上Creamy嘅海膽，口感上嘅對比形成一大享受😎，灑上少少竹炭鹽
地址：北角炮台山電氣道183號友邦廣場地下19號舖
住喺炮台山附近嘅朋友一定知道電氣道嗰頭有勁多餐廳，行到去友邦廣場地下附近，搵到呢間細細哋、開咗接近一年嘅日式居酒屋——六本·虎居 @yakitoritiger 🐯
點解會有呢個名嘅由來？原來餐廳其中一個師傅以前喺跟日本六本當地嘅師傅學藝👨🏻🍳，學完之後就返咗嚟香港開咗呢間店；而虎居嘅意思，喺想帶比客人有窩居、家嘅感覺🏠
居酒屋得20個位左右，未到7點已經坐滿晒人，睇嚟唔book位都真喺幾難可以一試佢哋嘅日式料理🇯🇵，當中仲有日本人專程過嚟食嘢添🤩，果然有一定嘅吸引力。而我今次就坐咗喺Bar枱前面，可以一邊近距離欣賞師傅預備食材同整串燒嘅功架🍢
✝️煙燻鰹魚 $168
切成厚厚一片片嘅鰹魚，用完美火候炙燒表面到三成熟🔥，加上煙燻嘅風味💨，清晰咁帶出鰹魚本身嘅鮮香同滋味，魚肉中心喺半生狀態🐟，入口有即溶感覺，加上本身用豉油輕輕醃製咗，再加埋師傅自家醃製嘅醬油蒜片一齊食，令鰹魚本身嘅風味更加突出
✝️火炙海膽魷魚卷 $168
用鮮魷魚包住日本北海道海膽🦑，爽口嘅魷魚加上Creamy嘅海膽，口感上嘅對比形成一大享受😎，灑上少少竹炭鹽，輕輕咁襯托出兩種海產嘅雙重鮮味🌊
肉類串燒叫咗雞冠($62)、
雞胸($58)、
雞腎($58)、雞肝($42)、厚切牛舌($58)
同紫蘇雞皮蝦卷($68)；
蔬菜串燒就叫咗小青椒($38)、甜薯($48)、豆腐($38)同銀杏($48)。望住師傅喺面前邊燒烤邊調味，陣陣燒烤香味飄過嚟真喺聞到都流晒口水🤤。佢哋嘅雞肉新鮮無激素🐓，仲試咗稀有部位——雞冠，口感介乎喺牛筋同豬大腸之間，煙靭得嚟有咬口，送酒食一流👍；
特別一讚佢哋嘅鹽燒牛舌，食落超Juicy而且非常惹味，真心值得一試👏
✝️清酒蒸真蠔 $68/隻
喺日本有「海中牛奶」之稱嘅北海道仙鳳趾生蠔🦪，最獨特之處當然喺佢極之Creamy嘅口感，用清酒蒸煮過後🍶，唔會破壞蠔肉細滑豐腴嘅肉質，同時又為蠔肉添上淡淡酒香🥰
最後叫咗兩個燒御飯團🍙($38/件)，分別喺明太子同三文魚味，表面香口焦脆嘅飯焦配上薄脆紫菜，仲有陣陣芝麻香，明太子同三文魚放咗喺飯團中間，鹹香十足；
另外叫咗個是日湯品($48)，今日有足料雞清湯，用咗雞肉串燒用剩嘅部位去熬煮，再簡單用胡椒同香蔥調味，以胡椒香為主。帶有輕輕雞嘅鮮香，清甜潤喉🍲
張貼
