影片
更多
2021-07-10
250 瀏覽
朋友午市時嚟過食形容係一間樓上cafe，但晚市就搖身一變成為具格調的西餐廳，OpenRice指定時間訂座有優惠，夾到時間會抵食好多!裝潢內部裝修同工業大廈反差極大，一入門口如同置身高級商場餐廳之中，難怪大家都話唔可以睇小工業大廈裡的餐廳!餐廳內一小角係售賣各類精美咖啡工具，好多客人都係專登戴返口罩出嚟睇下啲商品，另外一大亮點係餐廳內的傢具，甚至空間設計都係由ALOT Living設計，自己都留意咗呢間日系傢具公司好耐，喺呢度唔止有得睇仲可以坐住嚟食飯，木傢具真係為餐廳增添不少質感，令用餐體驗加倍愉快~食物餐廳食物質素亦相當對得住佢既裝潢同價錢，一睇餐牌會發現晚市只供應各類set dinner，但選擇多，唔難揀到自己鍾意食既野，加上連同開胃菜、湯、甜品等食足5個course!開胃菜 Appetizer煙燻法國鵪鶉脾伴巨峰葡萄醋汁葡萄醋汁味道唔太突出，但鵪鶉脾煙燻味一流，食太多可能會略咸，但隻脾細細隻剛剛好，幾啖食晒，非常開胃餐湯 Soup松露野菌忌廉湯好香濃，食到粒粒磨菇意式雲吞 Pasta香煎北海道帶子·自家製蟹肉意式雲吞呢份迷你pasta係跟餐每人一份，帶子係刺身級帶子，半熟程度剛好
但晚市就搖身一變成為具格調的西餐廳，
OpenRice指定時間訂座有優惠，夾到時間會抵食好多!
裝潢
內部裝修同工業大廈反差極大，一入門口如同置身高級商場餐廳之中，
難怪大家都話唔可以睇小工業大廈裡的餐廳!
餐廳內一小角係售賣各類精美咖啡工具，
好多客人都係專登戴返口罩出嚟睇下啲商品，
另外一大亮點係餐廳內的傢具，甚至空間設計都係由ALOT Living設計，
自己都留意咗呢間日系傢具公司好耐，喺呢度唔止有得睇仲可以坐住嚟食飯，
木傢具真係為餐廳增添不少質感，令用餐體驗加倍愉快~
食物
餐廳食物質素亦相當對得住佢既裝潢同價錢，
一睇餐牌會發現晚市只供應各類set dinner，
但選擇多，唔難揀到自己鍾意食既野，
加上連同開胃菜、湯、甜品等食足5個course!
開胃菜 Appetizer
煙燻法國鵪鶉脾伴巨峰葡萄醋汁
葡萄醋汁味道唔太突出，但鵪鶉脾煙燻味一流，
食太多可能會略咸，但隻脾細細隻剛剛好，
幾啖食晒，非常開胃
煙燻法國鵪鶉脾伴巨峰葡萄醋汁
172 瀏覽
0 讚好
0 留言
餐湯 Soup
松露野菌忌廉湯
好香濃，食到粒粒磨菇
松露野菌忌廉湯
67 瀏覽
0 讚好
0 留言
意式雲吞 Pasta
香煎北海道帶子·自家製蟹肉意式雲吞
呢份迷你pasta係跟餐每人一份，
帶子係刺身級帶子，半熟程度剛好，
帶有煎過的油香及帶子本身的鮮味，
意式雲吞略為過熟以及不帶掛汁，
但食到粒粒蟹肉，誠意之作!
香煎北海道帶子·自家製蟹肉意式雲吞
39 瀏覽
0 讚好
0 留言
Refreshment
跟餐的一杯小伴餐飲料，
帶有清爽青檸柑橘味，
可為口腔解膩預備食主菜
伴餐飲料
18 瀏覽
1 讚好
0 留言
主菜: 紐西蘭寶雲酥羊架配松露忌廉千層薯
除主menu上的main外，當晚亦特別有羊架選擇，
見唔係成日都有就決定一試，亦令呢個羊架成為我地最愛主菜!
七成熟的羊架上舖上一層咸蒜酥皮，為羊架增添觸特風味，
加上羊肉十分軟嫩，沒有羊膻味，
另外作為伴菜的松露忌廉千層薯亦功不可沒，
千層薯焗得恰到好處，調味香濃，忌廉十足，非常好食!
紐西蘭寶雲酥羊架配松露忌廉千層薯
$438
28 瀏覽
0 讚好
0 留言
主菜: 香煎智利白鱈魚配露荀野米蟹餅紫蘇忌廉泡沫
另一個大家很喜歡的主菜，鱈魚非常嫩滑，
蟹餅亦十分可口，紫蘇忌廉泡沫沒有太特別，
但為外觀加了分，有種分子料理的感覺
香煎智利白鱈魚配露荀野米蟹餅紫蘇忌廉泡沫
$458
29 瀏覽
0 讚好
0 留言
主菜: 香煎虎蝦魷魚青口辣茄蓉自家製扁寛義大利麵
雖然不太吃辣的朋友話有啲辣，但自家製意粉真係大大加咗分，
除咗誠意十足外，口感亦十分彈牙，大家都讚好食!
香煎虎蝦魷魚青口辣茄蓉自家製扁寛義大利麵
$328
32 瀏覽
0 讚好
0 留言
主菜: 栗子野菌釀法國黃油春雞配蘆筍松露千層薯
黃油春雞啖啖肉又十分多汁，但朋友指調味略啖，
配菜有千層薯，算係補返數啦
栗子野菌釀法國黃油春雞配蘆筍松露千層薯
$438
21 瀏覽
0 讚好
0 留言
主菜: 杜洛克黑毛豬鞍扒配蘆筍伴松露忌廉千層薯
朋友指豬鞍略有少少鞋，
但調味不錯，有千層薯加分!
杜洛克黑毛豬鞍扒配蘆筍伴松露忌廉千層薯
$358
33 瀏覽
0 讚好
0 留言
甜品: 焦糖核桃朱古力慕絲配香梨拖肥醬無粉朱古力蛋糕
已經好飽但有一個美好的甜點作結，
唔太甜但好有層次唔同口感，唔會一味甜耶耶或味道單一，
有朋友生日仲會為佢幫上生日字句
焦糖核桃朱古力慕絲配香梨拖肥醬無粉朱古力蛋糕
24 瀏覽
0 讚好
0 留言
總結
雖然單看價錢會稍高，但食物質素及餐廳環境絕屬高水準，
朋友慶生或情侶約會一流，環境亦不會太嘈吵，
加上大多店都非常有禮親切，上菜亦會有作簡單介紹，
menu內容中英對照清晰又詳細，令食物與預期都非常接近，
希望主菜會間中稍作改變，期望下次再嚟會有驚喜❤
張貼
