影片
更多
2023-09-05
502 瀏覽
「一杯屋」係一間好典型既日式串燒店，係樓上舖會比較靜D坐得舒服D～ 入到餐廳，坐喺最入面個梳化位，旁邊有幅「粉紅花牆」充滿少女心，可以瘋狂打卡🩷～好多款即製串燒，梗有一款岩你食～炭燒鳥料理串燒雞肝用照燒汁包圍燒好的雞肝，望到隻色都覺得吸引。特別之處係一咬開會見到肉帶有少少紅色，避免過熟情況影響肉質。雞肝既肉質係帶少少「軟冧冧」似係綿花糖的感覺～日本雞軟骨串白白既雞軟骨串上灑了少許盬粒及檸檬汁提鮮。軟骨有咬口但不會過硬。雞心冠、雞翼及雞肉免治棒： 雞心冠同雞翼串肉質嫩滑帶點鹹香。 而雞肉免治棒不得不讚，我係第一次食依個配搭，旁邊放一隻生蛋黃，拮爆後點上蛋黃醬係非常好食及滑身。海鮮及其他：盬燒海蝦串食落隻蝦好新鮮，肉質彈牙，加上表面也落了少許盬粒及檸檬汁，提鮮程度Level Up；而蝦頭也有食到蝦膏～燒蠔串燒蠔一咬開很肥美，而且燒完香脆可口。白鱔串鹽燒白鱔，肉質彈牙嫩滑，口感有D似翠肉鯇。豐門柳及美國牛小排串兩串表面都係用濃濃照燒汁包圍，仲要佈滿最邪惡既蔥花係不能抗拒，因為加左蔥既食物係香好多同最好食架。雜錦天婦羅依碟天婦羅包括蝦、炸蝦頭、紅蘿蔔、茄子、原條秋葵及紫蘇葉。整碟天婦羅都炸得非
好多款即製串燒，梗有一款岩你食～
炭燒鳥料理
串燒雞肝
用照燒汁包圍燒好的雞肝，望到隻色都覺得吸引。特別之處係一咬開會見到肉帶有少少紅色，避免過熟情況影響肉質。雞肝既肉質係帶少少「軟冧冧」似係綿花糖的感覺～
日本雞軟骨串
白白既雞軟骨串上灑了少許盬粒及檸檬汁提鮮。軟骨有咬口但不會過硬。
雞心冠、雞翼及雞肉免治棒： 雞心冠同雞翼串肉質嫩滑帶點鹹香。 而雞肉免治棒不得不讚，我係第一次食依個配搭，旁邊放一隻生蛋黃，拮爆後點上蛋黃醬係非常好食及滑身。
海鮮及其他：
盬燒海蝦串
食落隻蝦好新鮮，肉質彈牙，加上表面也落了少許盬粒及檸檬汁，提鮮程度Level Up；而蝦頭也有食到蝦膏～
燒蠔串
燒蠔一咬開很肥美，而且燒完香脆可口。
白鱔串
鹽燒白鱔，肉質彈牙嫩滑，口感有D似翠肉鯇。
豐門柳及美國牛小排串
兩串表面都係用濃濃照燒汁包圍，仲要佈滿最邪惡既蔥花係不能抗拒，因為加左蔥既食物係香好多同最好食架。
雜錦天婦羅
依碟天婦羅包括蝦、炸蝦頭、紅蘿蔔、茄子、原條秋葵及紫蘇葉。整碟天婦羅都炸得非常乾身，食落唔會覺得好油膩，點上天婦羅醬油係好好食～天婦羅蝦🍤肉質嫩滑好彈牙。特別之處係出面餐廳好少有「炸蝦頭」，第一次食又幾脆口似食緊薯片。而原條秋葵及紫蘇葉都值得一試。
明太子烏冬
好「結」既明太子汁，配上烏冬個汁係非常掛麵，而且每一口都咬到明太子粒，口感好好食。
粉紅女子梳打 與 四葉草藍子梳打
粉紅女子梳打本身味道偏甜，加入檸檬片可以中和返甜度幾好味。而四葉草藍子梳打味道相對無咁甜，加左薄荷葉令杯飲品每啖都重薄荷味好清新，梳打飲品配串燒係好夾。
最後以焦糖味雪糕收尾，好圓滿。如果大家想聚會時環境靜靜地又有氣氛，不防到一杯屋試下～
6 瀏覽
0 讚好
0 留言
張貼
