力奇四季火鍋 (已結業)

一行四人約出去打邊爐，諗住打電話去訂位，打咗一日都打唔到。餐廳雖然喺舖頭入邊，不過係大排檔格局，冇裝修，坐圓枱圓櫈。食物好大碟，不過佢個價錢已反映。所以唔會抵咗，只係冇得選擇細啲，比較適合一大班人，唔適合兩三個人。佢唔係精緻路線。更加唔係抵食夾大件而係貴夾大件。食材新鮮有質素，這個是真的但衛生情況有待改善，尤其是預備食材的位置，都幾凌亂同埋唔衛生。湯底勁咸，所以不用再點任何調味料。牛肉靚，新鮮雲吞一碟有成打，所以兩個人千祈唔好黎，最好6個以上，先至可以試多幾樣嘢。雞都靚。仲有食其他嘢，人均消費$400 （喜歡看我老實食評請點個❤️和追蹤我看更多餐廳介紹。）總結：食材新鮮，但坐得唔舒服，環境又唔算企理乾淨，咁嘅價錢打邊爐有太多其他選擇，唔會刻意再來。不過佢容易有位，不限時，多大枱，真係一大班人又唔計較環境都可以一試。