Delight (已結業)

屋企附近呢間Delight，只聽聞唔好味，今日親身試。要咗Classic Egg Benedict餐$78，latte加$10。Poached eggs其中一隻熟咗啲唔夠流心，另一隻就好流。蛋黃味道算香濃，但隱約有微微腥味，明顯係蛋源問題。配合底下的鹹香煙肉、軟熟菠菜、香脆的英式鬆餅，荷蘭汁份量剛好，classic style嚟講唔夠檸檬、牛油香但buttery質地，整體味道都唔錯，驚喜就冇乜。伴碟意大利醋沙律菜調味幾好，食完兩隻漏蛋，再食呢個就覺得清咗喉嚨膩感。Latte後上，嚟咗冇幾耐我仲食緊主食已即刻飲咗清水試咗啖，咖啡底帶微酸可接受，奶味唔夠重，泡有啲粗。果然食完份餐，放咗約10分鐘，啲泡已散同塌。但睇雜誌、食評介紹話店主拎咗好多咖啡cert、比賽得獎又做評判之類，飲完又唔覺咁勁。不過响呢區，我暫時又搵唔到有邊間整呢類早餐仲好啲。