影片
更多
2021-11-01
246 瀏覽
我真係第一次打食評，因為真係好嬲好失望，希望大家唔好再比啲正評呃。記得幾年前荃灣都有一間，果時食過兩三次都覺得好好味，最後執左笠，覺得好可惜🥲碌openrice碌碌下見到原來仲有一間係太和又見到竟然有羊肉食（因為朋友無羊不歡）所以就打算去重溫下當初既味道。佢離太和地鐵站都要大概20-25分鐘路程，都算幾遠。終於去到門口，個啊姐話一定要掃安心出行，因為食野到10點之後就一定要掃，OK咁我掃完，佢態度勁差：你出返去上一頁比我睇⋯ 之後整左一輪終於入座。安排入座方面都好有問題，我地食8:30 本身間野都已經唔多人，但都仲要同人搭枱，坐左張6人枱中間隔左兩塊膠版⋯見到後面都仲有好多吉枱。到點餐，我地叫左鴛鴦鍋+18蚊，豆乳同沙嗲湯。因為我唔食羊所以叫鴛鴦。我地見到M7和牛餐用匯豐卡有8折咁就試下。一黎到佢會比左個M7和牛盛，裡面有4款唔同部位+一碟普通牛，羊，豬，雞。M7和牛完全未融雪，勁硬，加上睇落冇咩油脂，完全唔覺得吸引。個湯黎左我見到兩個完全一樣色分唔到邊款打邊款🥲 都係泥黃色，除左多左幾塊昆布我真係唔覺得有分別。肚餓既我地開始洽牛食，哇！啲湯咸到應該加左好多鹽，仲要兩個湯都一樣咁咸，懷
記得幾年前荃灣都有一間，果時食過兩三次都覺得好好味，最後執左笠，覺得好可惜🥲
碌openrice碌碌下見到原來仲有一間係太和又見到竟然有羊肉食（因為朋友無羊不歡）所以就打算去重溫下當初既味道。
佢離太和地鐵站都要大概20-25分鐘路程，都算幾遠。
終於去到門口，個啊姐話一定要掃安心出行，因為食野到10點之後就一定要掃，OK咁我掃完，佢態度勁差：你出返去上一頁比我睇⋯ 之後整左一輪終於入座。
安排入座方面都好有問題，我地食8:30 本身間野都已經唔多人，但都仲要同人搭枱，坐左張6人枱中間隔左兩塊膠版⋯見到後面都仲有好多吉枱。
到點餐，我地叫左鴛鴦鍋+18蚊，豆乳同沙嗲湯。因為我唔食羊所以叫鴛鴦。
我地見到M7和牛餐用匯豐卡有8折咁就試下。
一黎到佢會比左個M7和牛盛，裡面有4款唔同部位+
一碟普通牛，羊，豬，雞。M7和牛完全未融雪，勁硬，加上睇落冇咩油脂，完全唔覺得吸引。
個湯黎左我見到兩個完全一樣色分唔到邊款打邊款🥲 都係泥黃色，除左多左幾塊昆布我真係唔覺得有分別。
肚餓既我地開始洽牛食，哇！啲湯咸到應該加左好多鹽，仲要兩個湯都一樣咁咸，懷疑佢比左兩個一樣既湯我地。啲牛又勁鞋，好難食。打邊爐都係睇個湯底，咸到我地食左未夠一個鐘就停左手⋯ 雖然出面都有啲丸菜可以食但好似唔係幾衛生因為完全冇野蓋住⋯啲甜品又冇refill，仲要係放室溫。
炸野果度我自己炸左幾串係好玩既，但都係腸仔燒賣火腿好難會難食。
最後我朋友嗌多左4碟羊就算了，幾款貴啲既雪糕要埋左單先可以自己出去counter拎。
最後埋單6xx，呢個食物質素真係唔值，啲員工態度都唔算特別好，座位安排又咁差，所以真係有冇得揀我都會唔會再食。
張貼
