翹壽司味工房 (已結業)

1/25, 今日由於太忙, 都冇時間諗定食啲咩,到lunch hour 行咗出街, 行到去金百利先諗食乜,最後揀咗嚟呢間上次都想試既「翹壽司味工房」!(上次結果去咗「大和」, 金百利5 樓)睇完晒成個餐牌, 大家都只係想試下佢個「東京魚生飯定食」,成個定食仲跟麵豉湯、日式蒸蛋同前菜一小碟, 個飯都幾大碗, 啲飯都幾好食, 餸都算多,不過刺生類唔夠新鮮, 同埋過份多熟既餸!麵豉湯ok 啦! 至於個蒸蛋就比預期中好食, 但又唔算好好...個定食本身已經貴, 成$65, 但仲要加一囉!而且呢個已經係比較平果個定食, 其他仲貴呀!!咁既價錢, 真係去噃「千秋樂」, 或樓下5 樓間「大和」好過! 以呢個價, 係「大和」差唔到食到兩次添呀!!至於呢度既服務... 唔太好, 唔好禮貌差, 而係招呼我哋坐既座位唔夠體貼,明明有位(四人位, 不過可以拉開張檯), 但都係要我哋坐近門口,我開到口, 堅持兩次, 先同我哋轉檯, 點知坐唔夠一陣, 見到有張兩人檯埋咗單, 又要求我哋轉檯,但個張檯旁邊係半身櫃, 放咗好多水樽、大圓盆、抺檯布等等,個大圓盆仲要放到突咗出嚟, 感覺唔係咁舒服囉.........我諗