南翔饅頭店 (已結業)

識我既人都知我對京川滬菜情有獨鐘，所以個frd都好識做，今晚同我食飯都話去南翔食。兩個人六點左右就去到，由於時間尚早，仲有好多位。我個朋友一向都係大豪客，每次同佢食飯都係要抱住個肚走個隻。今次亦唔例外，兩條友叫好多好多餸，有小籠包、滇江肴肉、糯米燒賣、百葉唐菜、炸蟮和上海粗炒。個侍應見我們叫咁多野，都再問一問我係唔係真係兩位。滇江肴肉好正，炸蟮酸酸甜甜又脆口也不會遜色。糯米燒賣煙煙韌韌，都唔錯。小籠包係招牌菜，當然亦唔會失禮。百葉唐菜我之前未食過，覺得幾新鮮。但上海粗炒太硬，有點古怪。食物可以，侍應幾殷勤，卻不專業，環境唔錯，可以再來。