京都大酒樓

營業中

休息中

京都酒樓（ 黃大仙）今日到黃大仙同老公食晚飯，我同佢揀咗一間就近嘅酒樓，估唔到食物質素非常好。酒樓環境闊落，枱與枱之間相隔適當距離，坐得舒服。 1. 養生鮑魚燉湯$38每位我同老公叫咗一人一碗燉湯，燉湯材料非常豐富。湯汁好清甜、滋潤，有滿滿嘅鮮甜味。另外材料非常多，有雞腳、豬肉、鮑魚等等，雞腳已經煲到好林，豬肉鬆化，鮑魚有咬口。2. 晚飯孖寶$328我哋見到個孖寶套餐好抵食，所以就叫咗一個set。※ 青瓜子斑瓜子斑非常新鮮，面頭鋪滿薑蔥，為青斑增添風味。魚肉又香又滑，又唔多骨。豉油甜甜地，經過特別調製，好適合蒸魚。※ 潮蓮燒鵝皇燒鵝王非常吸引，今次食到髀位。燒鵝皮燒到金黃色，又香又脆。燒鵝肉油而不膩，非常可口，所有調味都剛剛好，好出色。3. 飛天雞一隻$10餐廳仲做緊一蚊雞嘅優惠，我同老公決定叫埋品嚐一下。飛天雞係吊住咁上，啱晒打卡。我飛天雞香噴噴，炸得好靚。外皮香脆，雞肉有油香，而且非常嫩滑、juicy，好抵食！