品臻 (士美菲路)

營業中

休息中

夏天入嚟西環碼頭影相，天氣咁熱唔夠半個鐘已經頂唔順，即刻搵啲嘢飲， 四五點又唔想飲咖啡，驚今晚瞓唔着失眠！所以想搵啲甜品或者輕食，如果有沙冰或者珍珠奶茶飲就好啦！咁啱經過呢間台式小店，門口都有人排隊，仲有老人家同小朋友都排緊隊...望一望原來係台式飲品！見到佢哋個個都買芋圓，未食我都忍唔住都想食埋一份！因為太口渴又有啲餓，我要飲杯招牌芋頭鮮奶 ，朋友就揀咗蜂蜜烏龍茶！排緊隊嘅時候聞到好香雞蛋仔未每個人手上都攞住一大搞到我都...呢個時候店員好熱情咁推介問我哋需唔需要嗌多份雞蛋仔！佢話佢哋嘅雞蛋仔好受歡迎😍佢特別推介朱古力雞蛋仔！我真係忍唔住！再叫多一份朱古力雞蛋仔！朱古力雞蛋仔有豐富嘅朱古力粒粒，少溶嘅狀態同雞蛋仔一齊食，香濃朱古力嘅味道，香脆內脆，真係冇介紹錯！同埋 九份芋圓仙草！店員姐姐就問糖水想要黑糖定庶糖，請問之下原來庶糖嘅味道會比較清香，黑糖會比較香濃味，味道會甜少少...平時食得黑糖糖水底多，我就想試吓啫庶糖！果然芋圓好香庶糖嘅味道，而且食落好清涼！啱晒唔鍾意食太甜既我！招牌芋頭鮮奶親眼見着有整成芋泥茸，睇啱即叫即做真係非常之新鮮，芋泥同鮮奶撈埋一齊飲，每啖食到芋泥蓉，口感