影片
更多
2021-08-13
27 瀏覽
再來一煲可能係新開，或者係我少留意，位於巷仔度唔太起眼，今次係聽老闆嘅朋友嘅朋友介紹(利申：我係唔識老闆😅)或者呢啲就係口碑相傳？！店員服務都幾好，上菜嘅時候都會稍為介紹下，另外仲有特別推介魚鰾，不過本人唔食魚所以就冇要到。初試緊係叫招牌雞煲🐔睇睇，我哋認同雞煲要辣辣哋先好食，不過佢嘅bb辣應該有譚仔二小辣嘅lv🔥，有啲超乎我哋嘅能力範圍(其實係我哋廢😂)， 不過雞煲著辣之餘有微甜，都好食架，只係個辣度大家要注意。參考好多枱都叫牛魔王拼盤，我哋都試一試，起碼有齊大家都想食嘅嘢，比較少見係牛胸油同埋牛臉頰；牛胸油雖然睇落係一大片肥膏，但係 煙韌有口感，同豬肉嘅五花相比唔係軟腍，幾得意，唔覺油膩架👍 我最鍾意係滑牛、牛小排同埋封門柳，滑牛用蛋混和，真係好滑！好欣賞原來可以咁樣食~ 牛小排同埋封門柳就重牛味😋， 另外介紹下牛吊龍原來係本地牛嘅品種， 肉質有啲似安格斯架~ 友人就鍾意牛舌同牛筋丸，牛筋丸咬落爆哂汁，得兩粒佢搶哂唔俾我食😂，牛舌有咬口，而且甜甜地，講講下其實成個牛魔王拼盤都好滿意好高質💯一定要介紹下0.03紙豆腐，見個名好新奇，黎到成個春卷咁😯，店員話一放入鍋好快食得，口感綿綿
店員服務都幾好，上菜嘅時候都會稍為介紹下，另外仲有特別推介魚鰾，不過本人唔食魚所以就冇要到。初試緊係叫招牌雞煲🐔睇睇，我哋認同雞煲要辣辣哋先好食，不過佢嘅bb辣應該有譚仔二小辣嘅lv🔥，有啲超乎我哋嘅能力範圍(其實係我哋廢😂)， 不過雞煲著辣之餘有微甜，都好食架，只係個辣度大家要注意。
參考好多枱都叫牛魔王拼盤，我哋都試一試，起碼有齊大家都想食嘅嘢，比較少見係牛胸油同埋牛臉頰；牛胸油雖然睇落係一大片肥膏，但係 煙韌有口感，同豬肉嘅五花相比唔係軟腍，幾得意，唔覺油膩架👍 我最鍾意係滑牛、牛小排同埋封門柳，滑牛用蛋混和，真係好滑！好欣賞原來可以咁樣食~ 牛小排同埋封門柳就重牛味😋， 另外介紹下牛吊龍原來係本地牛嘅品種， 肉質有啲似安格斯架~ 友人就鍾意牛舌同牛筋丸，牛筋丸咬落爆哂汁，得兩粒佢搶哂唔俾我食😂，牛舌有咬口，而且甜甜地，講講下其實成個牛魔王拼盤都好滿意好高質💯
一定要介紹下0.03紙豆腐，見個名好新奇，黎到成個春卷咁😯，店員話一放入鍋好快食得，口感綿綿哋，味道甜甜哋，有啲似更加溶嘅竹笙，呢個紙豆腐好得意😂，而且好食的😋
炸餐肉條同埋魚皮雖然好冇大志😂不過我鐘意食😜，好香口，炸魚皮都有少許調味，作為伴菜一流。
好彩有朋友介紹 [再來一煲]，差啲走寶，推薦元朗朋友去食呀👏👏~
張貼
