有口福 (已搬遷) 新店位置

之前去過九龍城有口福食飯，覺得唔錯，所以決定同屋企人黎食飯。屋企人都話位置好方便，好容易搵到。我哋六點去到，唔係太多人好快就坐低左。有好多火鍋配料。首先點左個天地1號陳醋，酸酸地好開胃。我首先出場嘅係諸葛烤活魚，屋企人唔食得辣所以選擇咗香醬，烤鯇魚雖然得半條，但係都分量十足，入邊有大量牙菜同鮮腐皮，而且魚肉結實鮮甜。頂級手切肥牛，脂肪分布平均，肥瘦適中，而且肉質嫩滑。安格斯肥牛粒，脂肪雪花狀，入口即溶，肉嫩多汁。手打墨魚滑，肉質爽口彈牙，鮮味十足。黃金魚腐，表皮呈金黃色，咬落非常彈牙。油麥菜新鮮翠綠，萵筍片味道最特別，薯仔片好粉。響鈴香脆好有豆香味，而且唔肥膩。紅薯粉晶凝通透，放落湯度吸收左湯嘅精華，味道一流。