Four X Four (已搬遷) 新店位置

前一日先食完意粉，今日約咗朋友一齊喺顯徑呢度試吓佢嘅早餐，聽落好似好瘋狂，但係其實真係咁啱朋友住喺顯徑😛😛成日都覺得all day breakfast 唔係考廚師嘅工藝，而係入貨嘅要求，因為好多都係整返熱就得，除咗炒蛋😂😂呢度嘅炒蛋我就覺得一般啦，唔係滑身嗰種，但正常☺️腸都唔錯，唔會極度油膩，充滿油嗰種，有啲係食到好膩，另外配有好少餐廳會選擇嘅燈籠腸，健康啲❤️值得一讚嘅係沙律菜，呢度嘅沙律菜好新鮮，佢配嘅沙律汁，好清新，我本人就好鍾意，出面嘅沙律菜有時都係霉霉，所以有陣時都唔敢食，但係佢呢度我都食晒😝