篤篤車 (已結業)

隔左段時間無來食,是日收工就同同事來食晚餐。上一次就試左推介的鱷魚湯底，今日就試試個清湯。1.豬紅、豬皮、芝士腸清湯米粉（少辣）車仔麵吾少得嘅就系豬紅，呢間嘅豬紅一啲都吾腥，豬皮乾淨。湯底真系又清又甜，但少辣我覺得可以再辣啲，枱面有自制辣醬可自行添加。2.雞翼、蘿蔔、金菇油麵（冬蔭功湯底）泰國野當然要食冬蔭功湯底，湯底酸辣酸辣，正宗。雞翼入味，蘿蔔大嚿新鮮。由於系套餐，所以有小菜+小食+飲品（套餐補錢加）小菜（一）：金銀蒜菜心，好香蒜頭味，菜心幼嫩。小菜（二）：腐乳炒唐生菜，腐乳份量剛好，菜吾會太咸。小食（一）：網紋春卷外面好鬆脆，程絲狀，裡面系包豬肉，吾似一般春卷嘅咸。同事食左話下次都要再叫。小食（二）：外脆，內裡好juicy.飲品：特飲-薄荷青檸梳打吾中意飲太甜，建議要叫小甜。飲品幾清新。整體來講，車仔麵質素都高，餸選擇多，值得再來。