新貴記粥品店

營業中

休息中

上次食得相當愜意，琴朝再嚟幫襯...上次D豬潤水準有番咁上下，吃出信心來，今次決定食碗及第粥，再例牌加碟炸両...今次炸両入面嘅油炸鬼就唔係即炸，有D淰，當然比上次食嘅差一大截，但勝在份量夠，加埋甜甜嘅豉油，都叫食得過...及第入面有豬膶、豬腸、豬肚及滑肉，但就缺少咗豬腰，有D美中不足...水準十分不錯--- 豬潤新鮮爽口，淖得時間剛好，一D苦味都冇；豬腸夠粉；豬肚亦夠爽，且一D異味都冇；滑肉更係招牌貨之一，真正滑不溜口，夠鮮甜...粥夠杰身，雖然仍然係"師傅"上身，依然吃得不亦樂乎...二十蚊換嚟飽飽滿足嘅感覺...