影片
更多
2014-02-08
855 瀏覽
自從上個禮拜嚟過呢度開飯, 男友便愛上咗呢度嘅拉麵 ( ´▽` ) 適逢今日係平日, 而我倆都放假, 就決定嚟個 late lunch, 避開繁忙嘅午餐時段, 等到兩點先出動開餐 ^^ 哈哈, 不出所料~ 真係唔使等!!今日星期五, 午市有小食組合 ^^ 呢兩個小食都好好味 ^^ 尤其係叉燒角包! 軟綿綿嘅包餅, 包裹住香濃惹味嘅日式叉燒, 食落去味道有點似中式叉燒包, 但口感又唔同… 夾咗生菜喺包包入面, 就算冇好多叉燒醬, 都唔會覺得乾身~ 好清新!! 男友今日都係點 "我的拉麵", 都係咖喱辣肉湯底配雜錦配料 & 温泉蛋 ^^ 佢話呢個拉麵好味到就算食多幾次都唔厭!!我今次就試吓其他口味嘅拉麵, 點咗 "東京醬油", 味道都不錯, 拉麵亦都好爽口, 只係略嫌湯底清咗少少… 如果再濃啲會更好!!今日再度光臨都仲係覺得好好食, 而且個叉燒角包真係一大驚喜! 睇嚟我哋都要多啲把握非繁忙時間 or 日子, 多啲幫襯先得喇!!
今日星期五, 午市有小食組合 ^^
呢兩個小食都好好味 ^^ 尤其係叉燒角包! 軟綿綿嘅包餅, 包裹住香濃惹味嘅日式叉燒, 食落去味道有點似中式叉燒包, 但口感又唔同… 夾咗生菜喺包包入面, 就算冇好多叉燒醬, 都唔會覺得乾身~ 好清新!!
男友今日都係點 "我的拉麵", 都係咖喱辣肉湯底配雜錦配料 & 温泉蛋 ^^ 佢話呢個拉麵好味到就算食多幾次都唔厭!!
我今次就試吓其他口味嘅拉麵, 點咗 "東京醬油", 味道都不錯, 拉麵亦都好爽口, 只係略嫌湯底清咗少少… 如果再濃啲會更好!!
今日再度光臨都仲係覺得好好食, 而且個叉燒角包真係一大驚喜! 睇嚟我哋都要多啲把握非繁忙時間 or 日子, 多啲幫襯先得喇!!
張貼
