木衛二鑄茶所 (怡和街) (已結業)

食飽經過好口渴想買杯野飲。見到栗子蓉奶茶，好似幾好，即管試下。反正天氣凍到騰騰震，飲杯熱飲取暖就最啱。沖調時間都有五分鐘以上，都要等下，好彩前面無人。野飲一拎上手真係熱辣辣，好辣手，飲時都格外小心。味道同預期唔一樣，以為會有栗子甜香，點知無。栗子唔係完全成蓉，反而係軟腍嘅碎粒，令飲品更濃稠，飲落更有質感。而奶茶出乎意料，非常香濃，好飲👍🏻 同港式奶茶唔同，值得飲下。不過如果栗子🌰可以打成香甜嘅蓉再加cream,可能更好飲。