皇冠冰室 (已結業)

係旺角諗住試下唔同餐廳，於是入左呢間外觀整潔既冰室。點左兩個是日晚餐，$70有一餸，飯，湯，同熱飲。⭐️沙嗲牛肉粉絲煲⭐️上台時熱辣辣，份量多到就快滿瀉。表面有好多又濃又稠既沙嗲汁。牛肉份量十足，食落係早餐既沙嗲牛肉麵質感。底層仲有好多粉絲，吸曬沙嗲汁既味，伴飯一流。⭐️南乳金沙骨⭐️外脆內軟既金沙骨，份量有啲少。食落南乳味好啖，不過配飯食都夠鹹。整體黎講，餐廳環境舒服，食物味道一般，而價錢合理。