蜜兒•瑪莉 (已結業)

試咗呢一個朱古力爆谷3.6牛乳雪糕，話就話係雪糕，但係第一啖食落口就覺得好似台灣嘅霜淇淋，即係口感比較似冰多過雪糕，對我來講嘅印象就唔太好，因為佢係用3.6牛乳嘅話，就唔應該會做到呢種口感，所以其實有啲怪怪地。講返成個雪糕嘅配搭，朱古力再加焦糖爆谷其實成個味都冇乜衝突，爆谷都仲係好脆，朱古力亦都唔會話好甜，但係甜就甜喺焦糖，有種被焦糖搶晒成個雪糕嘅味道。整體就普通通冇乜特別，係真係個雪糕口感怪怪的扣晒分。