沖繩二段料理 (Megabox)

營業中

休息中

今日同呀女黎九龍灣拎整件，拎完之後，黎左megabox 食lunch。呢一間我都幾中意食， 佢係一間沖繩既餐廳。 餐廳位於megabox 10樓，不過佢都算係food court來的。 落完單之後，拎左個號碼牌之後自己搵位坐， 職員會為你送上餐。 d枱櫈喺溜冰場隔離，食既時候可以睇下d小朋友溜冰或者聽住溜冰場既歌。我叫左一個午市餐食，牛肉壽喜燒湯麵配沖繩餃子 $68蚊 ，飲凍黑糖檸檬茶。佢既餃子另外用蒸籠上，一籠有4件，餃子既皮都好簿，係菜肉餡來的。而牛肉壽喜燒湯麵，麵係幼麵，湯好清甜，但牛肉就有d"鞋"。 跟餐加$9蚊仲可以配埋黑糖蜜蕃薯條，大大兜真係好抵，蕃薯條繡幼細，配埋黑糖有2種甜味，要食哂所有野真係好飽。