東記雞煲烤魚火鍋點心餃子 (已結業)

夜闌人靜，有時自己夜晚12點去食飯都幾慘情，行經石湖墟見到呢間東記餐廳，其實本身係想入去啊食點心算數，不過入到去夥計幾熱情招待同天氣都覺得有啲寒冷，夥計熱情介紹就試咗個魚煲，個魚煲其實食落都幾可以嘅，但問題等時間太長，所以我食左幾個點心，呢間餐廳啲點心原來夜晚係即叫即蒸，所以又係要等得耐。簡簡單單一餐飯食咗接近個半鐘頭。點心平均大約＄20一碟。其實都幾貴下。不過講真夜晚12點你都冇咩選擇可以。平心而論，個煲係唔夠兩個人食。反而食個煲嘅價錢，我會建議大家食點心好啲。