一品雞煲火鍋

營業中

休息中

自己就鍾意食雞煲，一到冬天，就會成日都想食，都試過好多間唔同嘅雞煲。但幫襯得最多都係一品，土瓜灣呢間分店喺地牢，其實人流唔算多都算係最容易有位嘅一間。通常我哋都會幾個朋友嚟，大家都係鍾意食雞多過食配料，所以有時都會叫成兩個煲之後先至打邊爐。佢哋嘅雞煲分咗唔同嘅辣到同麻度，自己就鍾意食小麻小辣，咁樣係個胃負擔得到嘅程度又唔會太辛苦得個辣子字，佢哋嘅雞煲嘅雞做得都唔錯，走過油嘅雞件保持到肉質嫩滑，佢哋獨有嘅醬汁非常之惹味。配埋一杯大檸茶，咁就啱啱好