錦丼 (iSQUARE國際廣場) (已結業)

今日同朋友諗住去The One食午餐，之前就問定佢想食乜，佢話想食日本菜，我問佢想食魚生定係鰻魚飯嗰d，佢話兩樣都想，於是我就喺OpenRice搵到錦丼哩間餐廳。見到食評麻麻地，但係佢係唯一一間有咁多選擇嘅日本餐廳，於是都想來試吓。午餐Menu都幾多嘢食，有定食、魚生飯、鍋物、天婦羅等等。朋友叫咗個炸蝦天婦羅，個餐有飯有汽水，仲有麵豉湯。而我就叫咗日式牛肉鍋，包左一杯汽水同一碗飯。Menu幅圖入面個牛肉鍋只得三片牛肉，但嚟到嘅時候竟然有好多牛肉，而且仲有粉絲丶好多菜丶同埋少少豆腐，其實整體來講味道唔錯，而且以咁嘅價錢真係好抵食。