影片
更多
2017-01-04
3714 瀏覽
有網友見我平時都成日食拉麵，有推介過我可以試下焰拉麵，所以上個月尾都搵左一日去元朗試下。星期日下午去到，可能時間有啲尷尬，未到晚餐，所以客人唔多。以拉麵店黎講，我覺得焰拉麵都幾大間，座位都算闊落，第一印象已經唔錯，唔會逼逼狹狹。拉麵定價適中，$58 -$88左右，拉麵可以自選麵質、湯底濃度、肉/蔥，富彈性。另有小食提供，小食都一樣唔貴~焰拉麵 $78 (特濃豚骨：木耳、荀干、紫菜、蔥粒)男朋友點嘅係最basic豚骨拉麵，麵質選中、湯底選中、肉揀火炙叉燒 (另有豚軟骨/叉燒雞)豚骨湯底都算濃，唔會好鹹，但質地較薄身，掛湯有難度；麵質選中等，如果唔鐘意太腍身，鐘意有咬口，記得選硬，因為麵質本身偏軟。火炙叉燒都好香口，肥瘦適中，唔會薄過紙，好少見男朋友食拉麵係會滿意的。火岩焰 $88 (肉醬溶岩、木耳、荀干、紫菜、蔥粒)唔止一次講過，我食拉麵，只食辣嘅，所以毫無疑問，揀火岩焰，中辣 (可選小/中/大激辛)同男朋友一樣，湯底、麵質我都係揀中等，唔洗煩。我覺得以辛拉麵而言，都算係我喺香港食過數一數二好食！揀辣嘅拉麵好多時就係飲油，一般拉麵店為左營造「辣」嘅感覺，好多時喪加辣油，搞到碗麵油淋淋，個
星期日下午去到，可能時間有啲尷尬，未到晚餐，所以客人唔多。
以拉麵店黎講，我覺得焰拉麵都幾大間，座位都算闊落，第一印象已經唔錯，唔會逼逼狹狹。
拉麵定價適中，$58 -$88左右，拉麵可以自選麵質、湯底濃度、肉/蔥，富彈性。另有小食提供，小食都一樣唔貴~
焰拉麵 $78 (特濃豚骨：木耳、荀干、紫菜、蔥粒)
男朋友點嘅係最basic豚骨拉麵，麵質選中、湯底選中、肉揀火炙叉燒 (另有豚軟骨/叉燒雞)
豚骨湯底都算濃，唔會好鹹，但質地較薄身，掛湯有難度；麵質選中等，如果唔鐘意太腍身，鐘意有咬口，記得選硬，因為麵質本身偏軟。
火炙叉燒都好香口，肥瘦適中，唔會薄過紙，好少見男朋友食拉麵係會滿意的。
焰拉麵
$78
85 瀏覽
0 讚好
0 留言
唔止一次講過，我食拉麵，只食辣嘅，所以毫無疑問，揀火岩焰，中辣 (可選小/中/大激辛)
同男朋友一樣，湯底、麵質我都係揀中等，唔洗煩。
火岩焰
$88
59 瀏覽
0 讚好
0 留言
揀辣嘅拉麵好多時就係飲油，一般拉麵店為左營造「辣」嘅感覺，好多時喪加辣油，搞到碗麵油淋淋，個人黎講最怕呢種。
焰拉麵嘅火岩焰我幾欣賞，湯底完全唔油，辣度可按個人喜好挑選，用辛辣香料炒香肉醬，店家怕客人會覺得唔夠辣，甜心地用蕃茄盛載少部分肉醬，覺得唔夠辣的話自行添加。
火岩焰
$88
48 瀏覽
0 讚好
0 留言
不過始終辣嘅口味，會比豚骨嘅重口味少少，所以都會覺得鹹鹹地，或許要飲水解決~
同埋我好怕食到嘅微暖嘅拉麵 (食熱食一定要夠熱！) 呢度嘅拉麵湯底熱辣辣，啱哂我胃口~
蜜桃乳酸 $12
焰拉麵都有為每枱客人提供檸檬水，不過我見有汽水以外嘅飲品，就點左乳酸飲，剛好可以中和拉麵嘅重口味~
味道就冇乜特別啦，都係普通乳酸，另有巨蜂同青蘋果味~
蜜桃乳酸
$12
49 瀏覽
0 讚好
0 留言
板燒牛舌 $12
牛舌都幾平，冇記錯三大片~以黑椒燒起，非常香口，唔會乾柴，略嫌燒嘅時間長左少許，記得趁熱食，否則會帶韌~
板燒牛舌
$12
52 瀏覽
1 讚好
0 留言
我都好鐘意食墨魚咀，但就唔係度度整得好食！
墨魚咀燒得剛好，完全唔韌唔痴牙，加上醬汁，好鬼香口。
板燒墨魚咀
$15
43 瀏覽
0 讚好
0 留言
見到自家製餃子，都有啲興趣試埋，兼且帶少許期待，不過老實講，對餃子比較失望，嗯…唔係唔好食架，不過普通囉，感覺不大，印象亦都唔深刻，而且價錢稍貴，不叫也可。
自家製餃子
$45
36 瀏覽
0 讚好
0 留言
自家製餃子
$45
33 瀏覽
0 讚好
0 留言
整體黎講，我地對焰拉麵都好滿意！雖然喺openrice評語好壞參半，有客人表示以前好食啲，水準下降左；但由於我同男朋友第一次食，對呢度印象幾好，而且我地食過同區其他拉麵，都比焰拉麵更一般，所以我地會再黎食的，希望下次黎到，都依然會令我地不枉一行~
張貼
