發記飯店

營業中

休息中

在朋友家打牌，大家落街食飯，佢帶我地來這裡，見晚上十點幾都座無虛席，加上呢度又唔係旺區，有咁樣陣容足證其受歡迎，好在朋友事先同個老細單聲至在路邊開多張四人檯，如果唔係就要等位。叫了蠔餅、鵝腸、掌翼同大眼雞一條幾個「啤酒菜」。蠔餅同灣仔新星般，傾向炸多過煎，蠔仔幾大粒同鮮甜，炸的蠔餅又香口，送啤酒最正；鵝腸肥美甘香，又唔係太韌，太受歡迎結果要叫多一碟；掌翼大隻幾有肉，鹵水入味，不比鹵水專門店的差；大眼雞亦大條鮮甜，送粥又適合。加埋幾支大啤，粥飯等埋單二百幾，坐街邊食的話唔算好平，但食物是有水準的。要留意店內位置不大，客人十居其九要坐出街邊或後巷，環境可能唔係個個人都適合，要幫襯就要預左。