李家 (山林道)

營業中

休息中

呢間好似不嬲出名由韓國人經營，所以去食嗰陣都幾期待~~一開始嗌咗炸醬麵，半半炸雞(蜂蜜蒜蓉&甜辣)，燒五花腩定豬頸肉。炸雞嚟到係原味同甜辣，但嚟到嗰陣唔係好知，冇為意，食落根本冇蜂蜜蒜蓉味，同返店員講(係個大叔嚟)，佢話「但你哋食咗啦喎」。大佬唔食我點知你俾錯我呀😅雖然佢哋之前有另外補返蜂蜜蒜蓉炸雞，但店員嘅態度真係有啲令人不爽😓👍🏿炸雞都叫中規中矩，炸雞本人冇話好juicy，不過炸雞嘅醬係幾出色，如果想食好食嘅炸雞，真係好多舖好多過佢。👍🏿另外炸醬麵，中規中矩，麵本人係幾滑幾好食，但調味總係覺得差咁啲，個人會覺得outdark炸醬麵更勝一籌。不過碟麵真係好大碟，係幾抵食下。👎🏿燒五花腩真係中伏，肉質好鞋，冇乜調味淨係食落口覺得食緊好難食嘅叉燒，俾咗2舊水嗌呢個肉真係有啲唔知講咩好，差到連單獨幫佢影相都冇影，唔建議嗌。