洪記潮州滷味 (已結業)

🥰行街經過土瓜灣見到咁多人排隊買呢一間嘅洪記潮州滷味，就引發左我嘅好奇心🤣🤣於是就買咗幾款潮州滷味返屋企當加送‼️原本想叫鴨舌，但係老闆話賣晒，真係好可惜，於是我就買咗半個豬肚、一個豬耳、一份鴨腳鴨掌、仲有鵝腎！💕😋總共用咗$107 ，估唔到份量比我想像中多，相對來講其實都幾抵食～～附送咗兩個醬汁，呢個就係醬油汁料，一個就係酸酸味汁料🌸返到去一打開🤤啲滷水味真係好香，味道都好食，非常之入味，再點埋酸酸味嘅醬汁，味道更加好食，個人推介豬耳、鵝腎！尤其是豬耳，入口好重骨骨膠，口感帶膠質，下次經過一定會再encore買黎食☺️‼️‼️