影片
更多
2022-08-02
21 瀏覽
喺太子放工，朋友介紹呢間外賣自取小店， 食物選擇算係幾多，放工時間，都幾受歡迎，一於試試！食物主要有飯類、炒意粉，焗飯/意粉，比較特別嘅係仲有牛角包同埋港人熱愛嘅小食🥐，好似香酥雞，榴槤炸彈，炸燒賣😎😎好鍾意睇依一款餐牌，有晒圖片，即刻令人食慾大增😎😎冬陰功豬頸肉炒意粉賣相加晒分！呢個炒意粉超級有誠意，豬頸肉份量都唔少！仲要有好多其他配菜，好似洋蔥，翠玉瓜， 菇等等，令到成個意粉嘅口感非常豐富，豬頸肉又爽口，每一啖都非常滋味！芝士焗薯角左揀右揀，揀咗依一款同家人一齊分享😋薯角性價比非常高！有三款醬汁可以選擇：白汁松露、咖喱、肉醬，非常吸引！今次我就揀咗白汁松露，都幾香，唔會太鹹，同脆脆嘅薯角幾夾！屋企人揀嘅豬扒炒烏冬，都幾靚仔，兩大塊豬扒，仲要加幾粒芝麻點綴😎😎即炸招牌雞髀實在抵擋唔住誘惑，所以連炸雞髀都買埋😆仲大過我隻手掌！雞髀可以揀辣或者唔辣，非常香脆，雞皮都炸得好通透，入面又唔會太乾，雖然係邪惡，但係真係好好食！高山翠綠冷泡茶白桃烏龍冷泡茶點咗主食，可以用優惠價加配自家冷泡茶，夏日炎炎，梗係叫埋啦！仲有我最愛嘅白桃烏龍，大大支，超爽！整體嚟講，呢間餐廳嘅食物都真係幾唔錯，朋友果然
食物主要有飯類、炒意粉，焗飯/意粉，比較特別嘅係仲有牛角包同埋港人熱愛嘅小食🥐，好似香酥雞，榴槤炸彈，炸燒賣😎😎好鍾意睇依一款餐牌，有晒圖片，即刻令人食慾大增😎😎
冬陰功豬頸肉炒意粉
賣相加晒分！呢個炒意粉超級有誠意，豬頸肉份量都唔少！仲要有好多其他配菜，好似洋蔥，翠玉瓜， 菇等等，令到成個意粉嘅口感非常豐富，豬頸肉又爽口，每一啖都非常滋味！
芝士焗薯角
左揀右揀，揀咗依一款同家人一齊分享😋薯角性價比非常高！有三款醬汁可以選擇：白汁松露、咖喱、肉醬，非常吸引！今次我就揀咗白汁松露，都幾香，唔會太鹹，同脆脆嘅薯角幾夾！
屋企人揀嘅豬扒炒烏冬，都幾靚仔，兩大塊豬扒，仲要加幾粒芝麻點綴😎😎
即炸招牌雞髀實在抵擋唔住誘惑，所以連炸雞髀都買埋😆仲大過我隻手掌！雞髀可以揀辣或者唔辣，非常香脆，雞皮都炸得好通透，入面又唔會太乾，雖然係邪惡，但係真係好好食！
高山翠綠冷泡茶白桃烏龍冷泡茶
點咗主食，可以用優惠價加配自家冷泡茶，夏日炎炎，梗係叫埋啦！仲有我最愛嘅白桃烏龍，大大支，超爽！
整體嚟講，呢間餐廳嘅食物都真係幾唔錯，朋友果然冇介紹錯😁😁所有食品即叫即做，配料豐富絕對唔hea就最抵讚👍🏼
張貼
