影片
更多
2019-07-08
274 瀏覽
今晚同朋友慶祝生日，揀左佢至愛既鐵板燒餐廳呢間餐廳係錦田個邊，搭西鐵到錦上路站之後轉幾分鐘巴士，再行兩三分鐘就到喇，相當容易搵～入面位置唔算多，大約十數個，當晚雖然係閒日，人流都頗多，我地就算有book枱都無得坐bar位睇師傅表演添，有啲可惜！餐廳有單點同套餐選擇，見大家都好推薦呢度既二人套餐，加上朋友又鐘意食海鮮，所以我地就毫不猶豫地揀左特上活龍蝦鐵板燒(二人前)第一道上既係溫室野菜沙律，每款蔬菜都切成bite-sized, 食起黎相當方便，蔬菜本身好新鮮，芝麻醬既份量亦恰到好處。之後就到白粟米，上年去北海道個時食過，估唔到今日係呢度又再食到，同回憶中既味道一樣咁清甜呀日本響螺，師傳將響螺切成薄片以突顯貝類既脆感，再簡單咁用左小小鹽同胡椒黎吊出響螺既鮮味已經好好食北海道帆立貝，帆立貝本身好大粒而且肉身相當厚，一開二之後啱啱好係一啖既份量；一入口先食到小小魚子既鹹味，然後帆立貝既鮮甜隨即一湧而上，無論係味道同口感都做得好好活龍蝦，師傅煮之前先係水缸拎出黎，所以龍蝦既鮮度係無容置疑既，亦都完全反映到係龍蝦既肉質上面，肉質相當有彈性又細緻，加左龍蝦膏去煮，係鮮甜上更添甘香，好出色白甘鯛，魚
入面位置唔算多，大約十數個，當晚雖然係閒日，人流都頗多，我地就算有book枱都無得坐bar位睇師傅表演添，有啲可惜！
餐廳有單點同套餐選擇，見大家都好推薦呢度既二人套餐，加上朋友又鐘意食海鮮，所以我地就毫不猶豫地揀左特上活龍蝦鐵板燒(二人前)
第一道上既係溫室野菜沙律，每款蔬菜都切成bite-sized, 食起黎相當方便，蔬菜本身好新鮮，芝麻醬既份量亦恰到好處。
之後就到白粟米，上年去北海道個時食過，估唔到今日係呢度又再食到，同回憶中既味道一樣咁清甜呀
日本響螺，師傳將響螺切成薄片以突顯貝類既脆感，再簡單咁用左小小鹽同胡椒黎吊出響螺既鮮味已經好好食
北海道帆立貝，帆立貝本身好大粒而且肉身相當厚，一開二之後啱啱好係一啖既份量；一入口先食到小小魚子既鹹味，然後帆立貝既鮮甜隨即一湧而上，無論係味道同口感都做得好好
活龍蝦，師傅煮之前先係水缸拎出黎，所以龍蝦既鮮度係無容置疑既，亦都完全反映到係龍蝦既肉質上面，肉質相當有彈性又細緻，加左龍蝦膏去煮，係鮮甜上更添甘香，好出色
白甘鯛，魚肉連魚鱗一齊炸，魚鱗炸得好香脆，但魚肉依然好嫩，可見炸既時間拿捏得剛剛好
之後有一個青檸啫喱黎清味蕾
西多士，係menu上面無既隱藏item加上砂糖去煎香既麵包食起黎外脆內軟，超好食！
今晚既炒野菜係炒白菜仔，簡單以蒜蓉炒香。
櫻花蝦炒飯，用左好多櫻花蝦去炒，一上枱已經聞到好香！如果調味上加上小小鹽就更perfect了～
A5鹿兒島和牛，生熟度啱啱好，油脂分布得好平均，味道濃郁而且口感柔軟
好濃稠既鯛魚湯，應該係用上左大量既鯛魚先會有咁既濃度，正！
最後甜品我同朋友都不約而同揀左牛奶奶凍，好幼滑好濃奶香，再加上香甜軟綿既紅豆，真係好好味
張貼
