Prime Pho (已搬遷) 新店位置

Long weekend 加上 hangover, 最好就係食個熱辣辣湯粉，而當中較吸引嘅係越南pho。第二次嚟呢間prime pho, order 左生牛肉湯河加炸越式春卷。呢度嘅湯底有額外清甜，完因為加左白蘿蔔，而白蘿蔔新鮮無渣，加埋辣椒令味道更醒胃及輕盈。唔知係咪有味精，飲完湯之後覺得好頸渴，不過個湯係好飲嘅。麵底比上次煮得䭃咗啲，一開始食ok,但係食到尾就有啲軟。不過麵感QQ及彈牙爽口，值得一讚。洋蔥亦新鮮，牛肉片亦不欺場，嫩口新鮮。春卷standard,不過仍然好在唔太油身。