影片
更多
2019-01-21
466 瀏覽
今日晏晝只食咗個漢堡包餐，主要原因係今晚約咗朋友食晚飯，要留定個肚。我哋逛逛銅鑼灣，見口渴想搵啲嘢飲下，經過邊寧頓街，見到有間舖仔有嘢飲賣，一於試下。 原來樓上係餐廳，朋友話不如喺度食埋嘢，我無反對，大家就上到嚟。餐廳有點復古味，又有台灣feel和文青格調，所以見到好多年青人喺度聚會。實在好口渴，所以即刻叫杯【美好水果四季春】。這杯冰茶裡面有好多生果，例如: 士多啤梨、蘋果、橙，所以有茶味亦有果香味。朋友叫了一杯【芝芝芒芒雪沙】，類似芒果沙冰上面再加些軟芝士打勻的奶蓋。飲落有芒果味同埋有濃濃芝士味，口感綿綿滑滑。食嘢方面交咗俾朋友發板。【巴馬火腿蜜瓜沙律油醋汁】巴馬火腿和蜜瓜的配搭是一絕，火腿鹹香，蜜瓜清甜。黑醋、橄欖油配沙律菜可提升菜的味道。【芝士焗龍蝦伴虎蝦帶子】 呢個係一個龍虎雙會嘅菜式，即係烤龍蝦和烤虎蝦會聚一起，再會合烤帶子而成。龍蝦多肉又有膏，虎蝦肉爽甜，帶子肉帶牙。【原個南瓜海膽海鮮飯】 這個是招牌菜式，所以是必食之選。意大利飯釀在原個南瓜內再焗至香噴噴，再加上海膽、青口、蝦、帶子和三文魚籽，用料真豐富。飯質creamy，味道香濃。加埋海膽、三文魚籽一齊食，魚籽和海膽在口
我哋逛逛銅鑼灣，見口渴想搵啲嘢飲下，經過邊寧頓街，見到有間舖仔有嘢飲賣，一於試下。
原來樓上係餐廳，朋友話不如喺度食埋嘢，我無反對，大家就上到嚟。餐廳有點復古味，又有台灣feel和文青格調，所以見到好多年青人喺度聚會。
實在好口渴，所以即刻叫杯【美好水果四季春】。這杯冰茶裡面有好多生果，例如: 士多啤梨、蘋果、橙，所以有茶味亦有果香味。
朋友叫了一杯【芝芝芒芒雪沙】，類似芒果沙冰上面再加些軟芝士打勻的奶蓋。飲落有芒果味同埋有濃濃芝士味，口感綿綿滑滑。
食嘢方面交咗俾朋友發板。
【巴馬火腿蜜瓜沙律油醋汁】
巴馬火腿和蜜瓜的配搭是一絕，火腿鹹香，蜜瓜清甜。黑醋、橄欖油配沙律菜可提升菜的味道。
【芝士焗龍蝦伴虎蝦帶子】
呢個係一個龍虎雙會嘅菜式，即係烤龍蝦和烤虎蝦會聚一起，再會合烤帶子而成。龍蝦多肉又有膏，虎蝦肉爽甜，帶子肉帶牙。【原個南瓜海膽海鮮飯】
這個是招牌菜式，所以是必食之選。意大利飯釀在原個南瓜內再焗至香噴噴，再加上海膽、青口、蝦、帶子和三文魚籽，用料真豐富。飯質creamy，味道香濃。加埋海膽、三文魚籽一齊食，魚籽和海膽在口腔內爆發，好正！
食完飯，仲可以食埋南瓜肉，焗過的南瓜肉是特別香甜。
【炭燒和牛配三文魚籽】
用鐵鍋上，熱辣辣，堅魚薄片還在飄。和牛腍肉味濃，配搭埋蒜片和三文魚籽一齊食，滋味無窮。最後，可能佢油膩咗少少，所以叫多杯【純金鳳茶王】去去油膩是很理想的做法。這杯烏龍茶有淡淡清香，飲落成個人舒服晒。
張貼
