影片
更多
2018-11-17
1092 瀏覽
呢間位於尖沙咀金巴利道MW Plaza嘅餐廳，環境好有feel，好似處於魔法世界，去左哈利波特嗰邊嘅國度，設計擺放左好多魔法書，餐具都別具用心，襯托得好古典優雅！餐牌都係以地圖形式呈現，的確好有心思，而每道菜店員都會解釋做法，非常專業！茴香焗海蝦沙律 $98沙律菜非常新鮮，食落係爽脆嘅，配嘅醬汁亦唔油膩，十分清新！海蝦味道鮮美，有7隻之多，好滿足！馬賽漁夫湯 $138呢個湯係結合左魚嘅精華，紅衫魚、蝦、青口、蜆肉全部都係另外煮完再放上去，確保唔會過老，好多功夫。但味道就無我想像中咁好，可能唔係太啱我口味。。而且魚肉有點鞋口，感覺蘑菇湯會更好！炸桂魚配手切薯角 $118呢個就真係推薦啦！係我暫時食過最好食嘅炸魚！桂魚唔係冰鮮貨，係新鮮去骨切落嚟，再沾粉即炸！切落去外脆內嫩嘅口感真係好正！一食就知係新鮮魚，鮮甜肉嫩，仲有魚皮好滑，整體就係外皮又脆又香，魚肉就好juicy！薯角係成個細薯仔連皮切去炸，又係好新鮮，薯香十足，配他他醬好好味！法國黃雞胸(8oz) $198雞胸肉慢煮後再焗製，估唔到雞胸都可以做到咁嫩咁多肉汁，真係好出色！伴碟嘅全部都係有機蔬菜，色彩繽紛，薯蓉都好幼滑，好好食！白鴿
餐牌都係以地圖形式呈現，的確好有心思，而每道菜店員都會解釋做法，非常專業！
茴香焗海蝦沙律 $98
沙律菜非常新鮮，食落係爽脆嘅，配嘅醬汁亦唔油膩，十分清新！海蝦味道鮮美，有7隻之多，好滿足！
馬賽漁夫湯 $138
呢個湯係結合左魚嘅精華，紅衫魚、蝦、青口、蜆肉全部都係另外煮完再放上去，確保唔會過老，好多功夫。但味道就無我想像中咁好，可能唔係太啱我口味。。而且魚肉有點鞋口，感覺蘑菇湯會更好！
炸桂魚配手切薯角 $118
呢個就真係推薦啦！係我暫時食過最好食嘅炸魚！
桂魚唔係冰鮮貨，係新鮮去骨切落嚟，再沾粉即炸！切落去外脆內嫩嘅口感真係好正！一食就知係新鮮魚，鮮甜肉嫩，仲有魚皮好滑，整體就係外皮又脆又香，魚肉就好juicy！薯角係成個細薯仔連皮切去炸，又係好新鮮，薯香十足，配他他醬好好味！
法國黃雞胸(8oz) $198
雞胸肉慢煮後再焗製，估唔到雞胸都可以做到咁嫩咁多肉汁，真係好出色！伴碟嘅全部都係有機蔬菜，色彩繽紛，薯蓉都好幼滑，好好食！
白鴿脾橄欖醬意大利飯 $158
白鴿脾應該就係乳鴿吧，肉雖小但很嫩滑，皮都燒得好香，下面意大利飯用橄欖醬大大減低膩感，入面有蘑菇洋蔥，愈食愈開胃，意大利飯口感正宗，唔會太硬，煙韌帶香！
整體感覺食物水準高，大多用新鮮貨色，環境設計具特色，係食飯好地方！
張貼
