影片
更多
2018-04-13
1723 瀏覽
最近突然好想食點心, 但又唔想去酒樓, 同朋友去左灣仔合和呢間粥粉麵點心餐廳, 無論價錢、境同食物質料都令人滿意。位於合和既餐廳酒樓都比人貴價既感覺, 位於中心7樓, 一出lift就可以見到開揚設計既薈麵館, 雖然只係粥粉麵鋪, 但裝修既華麗程度不輸隔離婚宴酒家, 應該是同一集團的。座位無論係卡位與否, 同樣非常闊絡, 以雲石同中式畫作等古典元素作餐桌佈置, 更添雅氣。餐牌單點款式好多, 包括各種粥粉麵、點心同中式甜品等, 想快捷點餐可以揀二人餐或者個人套餐, 配搭好多呢。 漂爽海蜇皮伴香辣順風耳 $68好開胃既前菜, 呢個前菜有齊我愛既海蜇同朋友愛既豬耳, 各有各食唔洗爭!哈哈! 海蜇較幼身爽口未到爽脆程度, 豬耳切得夠幼小口小口咁食, 青瓜醃汁微微香辣夠開胃。 叉燒薑蔥撈麵 $72 我就係為左叉燒香蔥撈麵而來既! 研究過價格覺得點餐更抵, 因為可加配點心或菜之類!叉燒切得厚身, 有近七八件, 滿滿鋪係撈麵之上! 叉燒表面充滿蜜糖, 令人口水直流, 肉偏瘦但不乏肥脂, 比例恰好。叉燒肉軟身鬆化, 配上蜜度剛好既蜜汁, 意想唔到既水準喔!!撈麵係我中意既幼麵, 麵質爽彈, 稔軟度剛好,
位於合和既餐廳酒樓都比人貴價既感覺, 位於中心7樓, 一出lift就可以見到開揚設計既薈麵館, 雖然只係粥粉麵鋪, 但裝修既華麗程度不輸隔離婚宴酒家, 應該是同一集團的。座位無論係卡位與否, 同樣非常闊絡, 以雲石同中式畫作等古典元素作餐桌佈置, 更添雅氣。
餐牌單點款式好多, 包括各種粥粉麵、點心同中式甜品等, 想快捷點餐可以揀二人餐或者個人套餐, 配搭好多呢。
漂爽海蜇皮伴香辣順風耳 $68好開胃既前菜, 呢個前菜有齊我愛既海蜇同朋友愛既豬耳, 各有各食唔洗爭!哈哈! 海蜇較幼身爽口未到爽脆程度, 豬耳切得夠幼小口小口咁食, 青瓜醃汁微微香辣夠開胃。
叉燒薑蔥撈麵 $72
我就係為左叉燒香蔥撈麵而來既! 研究過價格覺得點餐更抵, 因為可加配點心或菜之類!
叉燒切得厚身, 有近七八件, 滿滿鋪係撈麵之上! 叉燒表面充滿蜜糖, 令人口水直流, 肉偏瘦但不乏肥脂, 比例恰好。
叉燒肉軟身鬆化, 配上蜜度剛好既蜜汁, 意想唔到既水準喔!!撈麵係我中意既幼麵, 麵質爽彈, 稔軟度剛好, 唔需要蠔油, 單單同叉燒已經令人停不了口~
套餐揀左既菜心份量唔少, 菜心夠粗身而且翠綠, 比較爽硬。
晶瑩鮮蝦餃 $38
既然係點心店當然要試埋點心吧! 雖然朋友愛吃燒賣, 但我地最終拍板食蝦餃~ 蝦餃4隻上枱熱辣辣, 如其名係晶瑩飽滿既蝦餃啊, 蝦餃皮偏厚, 但口感煙韌中帶柔軟, 正正滿足到我呢個煙韌控,
蝦餃饀中既蝦好足料, 滿滿既蝦肉連同些微豬油脂, 夠味又有滑口, 只係略嫌未夠爽口。
瑤柱真料咸肉粽 $32
無叫粥但都叫左隻糭黎食, 糭size中等, 唔怕好大隻會好飽, 一切就可以見到平均分佈既饀料, 就係常見既咸蛋黃、肥豬肉、綠豆蓉等, 呢到肥豬肉唔會好肥膩, 岩我! 仲有完整既咸蛋黃同好多綠豆蓉, 趁熱食保持煙韌咬口, 點埋砂糖食好快又清左! 至於瑤柱食唔到XD但其他配料已經令我滿足。
難得見中式甜品都可以成頁咁多揀, 有糕點同中式糖水等選擇。
木瓜雪耳糖水 $38
木瓜稔身入口即溶咁, 雪耳同樣係好軟身, 證明應該煲左好耐, 唯獨係比想像中細碗, 一個人都不夠吃。
桂花杞子糕 $22相比起糖水, 呢個桂花杞子糕更正味, 清清既桂花令味蕾清新, 尤其係食左咁多點心粉麵, 正好清清胃口, 糖度偏低, 感覺好健康呢, 想再叫多碟~~~
張貼
