橫浜街場 (已結業)

晚市木桶噴泉邊爐就有好多人介紹，咁午市又點呢? 今次兩支弓嚟食午市，都有意外驚喜，餐廳抵食好坐有誠意呢到午市一人象鼻火鍋既叫法：喺一味主食，即豬、牛、羊、海鮮四簡一，另叫三種火鍋配料，最後烏冬或薯粉2選1，若加錢可轉馬來西亞麵。最推介蕃茄湯底，初頭上果陣仲以為喺麻辣湯底到咗，點知一聞喺特濃嘅蕃茄湯底，濃郁入味。鍋細細，入面的配料再加埋蔬菜盤，份量都相當足夠。一出電梯門就感覺到餐廳的主題，係街場成日見到既綠色鐵線圍網。環境很舒服，街場主題視覺上舒服而且新鮮，窗邊卡位落地玻璃感覺開揚。最重要喺，樓頂夠高，通風幾好，感覺冇乜平時打邊爐最驚嘅又大煙又迫。牆上面有掛住波衫，籃球足球，店舖被訪介紹之類的裝飾。第一個餐$58湯底 : 蕃茄主菜 : 肥牛配料 : 蓮藕餃 + 辣椒牛丸 + 蝦丸 + 烏冬其中辣椒牛丸最有特色，中間釀入辣椒令辣味由內而外咁滲出嚟，唔似就咁點辣椒豉油得表面一層辣。你喺一食就知唔係坊間買到既普通牛丸，再睇番餐牌介紹先見到喺自家手打丸，名副其實。蝦丸都係非常香口入味，彈牙而且重蝦乾味。肥牛中上，我鍾意另一個餐的黑豚肉多啲。最後蓮藕餃就普普通通，食落淡淡地，勝在口感爽爽地都唔錯。